Atyraýda Prıvokzalnyı shaǵyn aýdanyndaǵy páterge shaqyrtýmen barǵan ýchaskelik ınspektordy mas áıel pyshaqtap tastady, dep habarlaıdy bairaqmedia.kz.

Oblystyq Polısıa departamentiniń málimetinshe, Atyraý qalasynyń Prıvokzalnyı shaǵyn aýdanyndaǵy úılerdiń birinde 16 qazan kúni saǵat 20:50 shamasynda bolǵan otbasylyq janjal – qoǵamdyq tártipti buzý týraly habarlama boıynsha eki ýchaskelik polısıa ınspektory oqıǵa ornyna barǵan.

Polısıa qyzmetkerleri turmystyq zorlyq-zombylyqtan jábirlenýshilerdi qorǵaý jónindegi óz mindetterin atqarý barysynda áreket etti. Quqyq buzýshy er adamdy polısıa bólimine jetkizý kezinde páterde bolǵan onyń áıeli – mas kúıinde – kenetten ýchaskelik ınspektorlardyń biriniń arqa tusyna as úı pyshaǵymen jaraqat salǵan.

Áriptesiniń kásibı jáne jedel áreketiniń arqasynda shabýyldyń joly kesildi.

Jaraqat alǵan polısıa qyzmetkeri Atyraý oblystyq aýrýhanasyna jetkizildi. Sot-medısınalyq saraptama taǵaıyndaldy. Qylmys quraly – as úı pyshaǵy tárkilendi.

«Kúdiktiniń is-áreketi polısıa qyzmetkerleriniń beınejetonyna jazylyp alynǵan. Áıel ustalyp, ýaqytsha ustaý ızolátoryna qamaldy. Atalǵan fakt boıynsha sotqa deıingi tergeý bastaldy.

Atyraý oblysy polısıa departamenti quqyq qorǵaý organdary qyzmetkerlerine kúsh qoldaný qylmystyq jaýaptylyqqa ákeletinin eske salady.

Ýchaskelik ınspektorlar kún saıyn eń qıyn ómirlik jaǵdaılarda azamattarǵa alǵashqy bolyp kómekke keledi. Árbir osyndaı shaqyrý – olar Zań men tártip úshin qabyldaıtyn naqty qaýip-qater», – delingen oblystyq PD habarlamasynda.