Qazaqstanda kámeletke tolmaǵandardyń beıádep sózi úshin jaýapkershilik kúsheıtildi, dep habarlaıdy Bairaqmedia.kz

Endi balanyń qoǵamdyq orynda nemese áleýmettik jelide aıtqan balaǵat sózderi úshin ata-ana nemese zańdy ókil jaýapqa tartylady.

Qylmystyq kodekstiń 131-baby boıynsha, kópshilik aldynda ar-namysty qorlaý (aýyzsha ne jazbasha) — ásirese balaǵat sózdermen — 100 AEK-ke deıin (393 200 teńge) aıyppulǵa nemese 120 saǵatqa qoǵamdyq jumysqa ákep soǵýy múmkin.

Al kóshede beıádep sóz aıtylsa, bul usaq buzaqylyqqa jatady. Oǵan kelesideı jaza túrleri qarastyrylǵan:

• 20 AEK (78 640 tg) aıyppul nemese 5–15 táýlikke deıin qamaý;
• eger qaıtalansa — 30 táýlikke deıin qamalýy múmkin.

Aıta ketsek, balanyń jasy ósken saıyn jaz túri de ózgeredi:

• 12 jasqa deıin – tolyq jaýapkershilik ata-anasynda. Aıyppul: 10–15 AEK (39 320 – 58 980 teńge);
• 14–16 jas – ata-ana tóleıdi: 7 AEK (27 524 teńge);
• 16–18 jas – jasóspirimniń ózi jaýap beredi, biraq jumys istemese, aıyppuldy ata-anasy tóleıdi, 10 AEK (39 320 teńge).

Internette, ásirese áleýmettik jelilerde balaǵat sóz jazý, qorlaý nemese býllıng jasaý úshin aıyppul mólsheri 200 AEK-ke deıin jetedi — bul 786 400 teńge.

Polısıa ár jaǵdaıdy jeke zertteıdi. Dálel retinde kýágerlerdiń sózi, aýdıo/vıdeo jazba, jazbasha mátinge jasalǵan lıngvısıkalyq saraptama qaralady.