Birer kún buryn Almaty oblysy Qarasaı aýdanynyń Jalpaqsaı aýylynda úsh tóbet - bir pıtbýl men eki rotveıler 10 jastaǵy balaǵa shabýyl jasap, qulaǵy men san etip julyp aldy degen jaǵa ustatarlyq aqparat taraǵan bolatyn. Balaǵa shabýyl jasaǵan ıtterdiń ıesi óz nusqasyn aıtty, dep jazady bairaqmedia.kz.
Ońaltý ortalyǵynyń dırektory, ıtterdiń ıesi Almaz Halıevtyń sózinshe, oqıǵa bolǵan kúni bala ıtterdi ózi yzalandyrǵan kórinedi.
"Balalar ortalyqtyń qorshaýynyń janynda oınap júrgen. Bir ýaqytta qorshaýǵa kóterilip, ıtterdi mazaq etip, yzalandyrdy. Aýlada bes aılyq eki kúshik boldy. Úlken ıtter qorshaýda otyrdy. Eki bala ıtterdi ashýlandyrdy. Bir kezde balany ekinshisi kúzetiletin aýmaqqa ıterip jiberdi. Bizde balalardyń aýmaqqa bara jatqany túsirilgen vıdeo bar. Sodan keıin olar kózge kórinbeı, tek daýysy shyǵyp jatty. Bala jerge qulap, aıqaılaı bastady. Ekinshisi qashyp ketti. Shamasy, ol kómekke adam shaqyrǵysy keldi", – deıdi Halıev.
Taǵy oqyńyz: «Olar qymbat ıtter, aqshasyn tóleısiń»: Balany qutqaryp qalǵan zeınetkerden ıt ıeleri ótemaqy talap etti
Halıevtiń aıtýynsha, balaǵa kúshikter shabýyl jasaǵan.
"Bala jabyq qaqpadan óte almaı qalǵan. Ony balany qutqarǵan adam ashty. Ol kisi balany alyp shyǵý úshin esikti ashyp, ishke kirdi. Er adam aýmaqqa kirip, eki kúshikti sol jerde pyshaqtaǵan. Jalpy, olar dármensiz kúshikter. Al er adam bolsa ony pyshaqtap tastady. Endi ol kisi oqıǵanyń kúzetiletin aýmaqtan tys jerde bolǵanyn aıtyp otyr. Itter eshqashan aýmaqtan tys jerde júrgen emes. Bul jaǵdaı syrtta emes, ishte boldy", – deıdi ortalyq dırektory.
Ortalyq dırektorynyń aıtýynsha, ıtter mekeme aýmaǵynda turady jáne "belgili bir dárejede" qaýipsizdik qyzmetin atqarady. Ol janýarlardy ustaý erejelerin saqtaıtynyn jáne qorshaýda bes jyldan beri "Abaılańyz, zulym ıtter" degen belgi ilinip turǵanyn jetkizdi.
Taǵy oqyńyz: «Qulaǵyn julyp alǵan»: Almaty oblysynda 10 jasar balany úsh ıt talap tastady
Eske salaıyq, buǵan deıin ıtke talanǵan balanyń anasy Ekaterına Býrmıstrovamen habarlasqan edik. Ol ulynyń jaǵdaıy aýyr, beti men denesi jaralanǵan deıdi. Itterdiń ońaltý ortalyǵyna tıesili ekeni anyqtaldy. Anasy barlyq qujatty jınap, sotqa júginbek. Umtyl okrýginiń ákimi men polısıa oqıǵany rastady. It ıelerine aıyppul salynyp, sotqa deıingi tergeý bastaldy. Balaǵa kómek kórsetý úshin jergilikti turǵyndar men kásipkerler qarajat jınap jatyr.
