Qyrǵyz eliniń Ulttyq qaýipsizdik komıteti tekseris júrgizip, nátıjesinde sheteldik 59 stýdent Bishkektegi Ishenaly Arabaev atyndaǵy Qyrǵyz memlekettik ýnıversıtetinen oqýdan shyǵaryldy, dep jazady bairaqmedia.kz.

Olardyń qatarynda qazaqstandyqtar da bar.

Oqýǵa resmı túrde qabyldanǵan sheteldik stýdentter is júzinde qyrǵyz eliniń aýmaǵynda bolmaǵan jáne oqý prosesine qatyspaǵan. Soǵan qaramastan, olardyń qujattary belsendi stýdentter retinde ýnıversıtette tirkelgen.

Atalǵan fakti boıynsha "Qyzmettik qasaqylyq" baby boıynsha qylmystyq is qozǵaldy. Komısıalyq tekseris bul zańbuzýshylyqtardy rastady. Tekserý nátıjesinde ýnıversıtetten 59 sheteldik stýdent oqýdan shyǵaryldy.

Olardyń ishinde:

• 30-y – Ózbekstan azamaty;
• 20-sy – Qazaqstan azamaty;
• 9-y – Reseı azamaty.

Qazir tergeý barysynda bul sqemaǵa qatysy bar oqytýshylar men ýnıversıtet qyzmetkerleri anyqtalýda. Tergeý jalǵasyp jatyr.