Internette destrýktıvti dinı aǵymdardyń ýaǵyz-nasıhattary samsap tur. Osyǵan oraı Túrkistanda túsindirý jumystary júrgizildi, dep habarlaıdy bairaqmedia.kz
"Dinı ekstremızm men terorızmniń aldyn alý" taqyrybynda jalpy kezdesý din salasyndaǵy turaqtylyqty qamtamasyz etý maqsatynda uıymdastyrylǵan. Shara Túrkistan oblysy Din isteri basqarmasyna qarasty «Din máselelerin zertteý ortalyǵynyń» bólim basshysy Jalǵas Jorabektiń qatysýymen ótti.
Dintanýshy mamandardyń aıtýynsha, qazir ınternette, sonyń ishinde jastar kóp paıdalanatyn túrli áleýmettik jeliler men Youtube vıdeoresýrsynda destrýktıvti dinı aǵymdardyń ýaǵyz-nasıhattary keń taralǵan. Osyǵan baılanysty kezdesýde áleýmettik jeliler men ınternet resýrstaryndaǵy aqparattardy paıdalaný, taratý barysynda óte abaı bolý qajettigi týraly baıandaldy.
Qatysýshylarǵa dinı mazmundaǵy aqparatty izdeý barysynda tek qana resmı saıttar men arnaıy ruqsat etilgen kitaptardy oqýǵa ǵana bolatyny eskertildi.
Kezdesý sońynda suraqtar qoıylyp, dintanýshy mamandar tarapynan tolyqqandy jaýap berildi.
