Kásipker Ahmetbek Nursıla enesi men kúıeý balasynyń qarym qatynasy jaıly oı qozǵap, jelide jaryq kórgen erekshe vıdeony bólisti, dep habarlady turkystan.kz.

«Qazaqtar bulardyń da vıdeolaryn mıllıondap qaraıdy eken. Pikirleriń oqysań «Qandaı jarasymdy», «Shirkin! Osyndaı kúıeý bala bolsa ǵoı» dep maqtap jatqan jurt kóp. Biz osy qaıda ketip bara jatyrmyz? Paraqshasyndaǵy soraqy vıdeolardyń kórilimi qyrǵyn jáne jurt aýyzynyń sýy quryp, osylardy kúndiz-túni qarap, máz bolady eken», - dep jazdy kásipker.

Al ol jarıalaǵan vıdeodan enesiniń shashyn boıap, oǵan kútim jasap júrgen jigitti kórýge bolady.

«Enem bir jerge barar bolsa, sultan Súleımenniń saraıyna baratyndaı daıyndalady. Mundaıda eń birinshi enemniń shashyn boıaımyn. Sosyn betin boıap beremin. Úshinshiden kóılegin kıgizemin. Altyndaryn taǵamyn. Eń sońynda sol qonaqqa ne aparatynyn daıyndap, sómkesine salyp beremin», - dedi vıdeodaǵa er azamat.

Bul týraly jeli qoldanýshylary ártúrli pikir bildirgen.

«Kúıeý balaǵa shashymdy taratý bylaı tursyn, betine tik qaramaıdy ekenmin. Olar da maǵan tik qaramaıdy», «Myna áıel men kúeý balasyna «táıt» deıtin kúıeýi, týysqan, aǵaıyndary joq pa?», «Uıat joq degen osy. Daraqy...» dep jazdy olar.