Almaty oblysynyń qylmystyq ister jónindegi mamandandyrylǵan aýdanaralyq sotynda alqabılerdiń qatysýymen Kárim Kókirekbaev, onyń orynbasary Ádilet Ahataev jáne merdiger Andreı Poplavskııge qatysty qylmystyq is qaraldy, dep habarlaıdy Azattyq Rýhy.
- K. men A. laýazymdy tulǵalar bola otyryp, TOO dırektory P.-men (Poplavskıı) aldyn ala kelisip, oryndalǵan jumystar aktilerine kedergisiz qol qoıý úshin asa iri kólemde para alǵan;
- P. shyn máninde oryndalmaǵan qurylys-montaj jumystaryna qatysty jalǵan aktilerge qol qoıýdy uıymdastyrǵan;
Osy áreketter nátıjesinde memleketke 1 987 827 622,63 teńge kóleminde materıaldyq zalal keltirilgen.
Qylmystyq kodeks baptary boıynsha:
- K. men A. – QK 366-babynyń 4-bóligi (asa iri mólsherde para alý),
- P. – QK 195-babynyń 4-bóligi 2) tarmaǵy (múliktik zalal keltirý) jáne 367-babynyń 4-bóligi (asa iri mólsherde para berý) boıynsha kináli dep tanyldy.
Sot úkimimen:
Kárim Kókirekbaev 12 jylǵa, Ádilet Ahataev pen Andreı Poplavskıı árqaısysy 11 jylǵa bas bostandyǵynan aıyryldy.
Barlyq sottalǵandar ómir boıyna memlekettik qyzmet atqarý quqyǵynan aıyryldy.
Úkim áli zańdy kúshine engen joq.
Eske sala keteıik, 2024 jyldyń 7 maýsymynda Almaty oblysynyń qylmystyq ister jónindegi mamandandyrylǵan aýdanaralyq soty QR TJM «Qazseldenqorǵaý» MM burynǵy basshysy Kárim Kókrekbaevty sybaılas jemqorlyq isi boıynsha aqtaǵan. Onyń orynbasary Ahataev para alǵany úshin, al Bazis Construction Infr JSHS fılıalynyń dırektory Poplavskıı asa iri mólsherde para bergeni úshin kináli dep tanylyp, ekeýi de sot sheshimimen 11 jylǵa sottalǵan.
Almaty oblysynyń prokýratýrasy birinshi satydaǵy sottyń qatelikterine baılanysty Kókrekbaev úkimine apelásıalyq shaǵym túsirdi.
2024 jylǵy 25 shildede Almaty oblystyq soty apelásıany qanaǵattandyryp, isti qaıtadan qaraýǵa jiberdi. Úkimniń kúshin joıdy. Kárim Kókrekbaev sot zalynda qamaýǵa alyndy.
