Saıran kóliniń batys jaǵalaýynda jas jigit sýǵa ketti, dep habarlaıdy bairaqmedia.kz
Qaıǵyly jaǵdaı týraly aqparat aldymen áleýmettik jelilerde paıda boldy. Kýágerlerdiń aıtýynsha, oqıǵa keshki 17:30 shamasynda bolǵan.
Oqıǵa ornynda qazir polısıa qyzmetkerleri men qutqarýshylar jumys istep jatyr. Jigitti izdeý jumystary júrgizilýde.
Sý ishinde kámeletke tolmaǵan eki jasóspirimniń bolǵany anyqtaldy. Olardyń biri óz kúshimen jaǵaǵa shyqqan. Al ekinshisiniń taǵdyry ázirge belgisiz, – dep málimdedi Almaty qalalyq PD baspasóz qyzmeti.
Aıta keteıik, qazir Saıranda kúrdeli jańǵyrtý jumystary júrip jatyr. Sondyqtan, jasandy kólde shomylýǵa ruqsat joq. Alaıda, jurt eskertýdi elemeı, sýǵa túsý maýsymyn bastap ketken. Olar ishken tamaǵy men sýsynyń qaldyqtaryn jaǵajaıǵa tastap, aınalany álden qoqys basyp jatqanyn da aıta keteıik.
