Hıdjama mamany ajyrasqan áıelderdiń uzaq ýaqyt nekesiz ómir súrýine bolmaıtynyn aıtty,-dep jazady bairaqmedia.kz.

Ásıa esimdi jeli qoldanýshysynyń sózine qaraǵanda, uzaq ýaqyt jalǵyz júretin áıelge jyn ǵashyq bolyp qalatyn kórinedi.

«Islam boıynsha eger, ajyrasqan áıel adam úsh aı, on kúnnen keıin nekelespese, uzaq ýaqyt nekesiz, er adamsyz ómir súretin bolsa, oǵan erkek jyn ǵashyq bolyp, otyryp alady. Eshkimdi oǵan jolatpaıdy. Áıel adam bireýmen tanyssa da anaý unamaıdy, mynaý unamaıdy dep jaqtyrmaı turady. Túsine de kiretin bolady. Túsinde erkek jyn sol áıelmen kádimgideı qosylatyn bolady. Sondyqtan uzaq júrip qalmańyzdar. Uzaq júrgen áıelder, esterińizge túsirińizder, oılanyńyzdar. Sondaı túster kórmeısizder me? Eger, sondaı bolatyn bolsa, qorqý kerek. On jyl kúıeýge shyqpaǵan pasıentim bar. On jyldan keıin kúıeýge tıgenine 7-8 jyl bolǵanda, sol jyn mazalap, kúıeýine jek kórinishti qylyp kórsetken. Tipti asylyp qalǵan. Qaıta kúıeýi qutqaryp úlgergen. Qazir oqytylyp júr», - deıdi ol.

Atalmysh vıdeo jeli qoldanýshylary arasynda qyzý talqylanýda.

«Ańqaý elge aramza molda boldy. 3 aı 10 kún degendi qaıdan shyǵaryp alǵan», «Ne shyqsa da osyndaı hıdjabtaǵylardan shyǵady», «Osylarǵa toqtaý bar ma? Eldi qurtyp bitti ǵoı», - dep jazdy olar.