Ұлытау облысы прокуратурасының Cотқа дейінгі тергеп-тексеру басқармасы қоныс аудару бағдарламасы аясында бюджет қаражатын жымқыру фактісі бойынша Сәтпаев қаласы әкімдігінің ТҚШ бұрынғы басшысы мен басқа да тұлғаларға қатысты сотқа дейінгі тергеуді аяқтады, деп хабарлайды Bairaqmedia.kz.

Ақпаратқа сәйкес, олар қызметтік өкілеттіктерін теріс пайдаланып, іс жүзінде жоқ ғимаратты мемлекеттік мұқтаждық үшін жалған сатып алу арқылы 91 млн теңгеден астам қаражатты алаяқтық жолмен  жымқырды деп айыпталып отыр.

Тергеу барысында күдіктілерге қатысты әртүрлі бұлтартпау шаралары қолданылып, олардың мүліктеріне тыйым салынды.

2025 жылдың 7 наурызында қылмыстық іс сотқа жолданды.