Әлемдегі ең бай 500 адамның жиынтық байлығы АҚШ президенті Дональд Трамп жариялаған кедендік тарифтерден кейін әлемдік нарықтағы күйреуге байланысты 208 миллиард долларға қысқарды, деп хабарлайды Bairaqmedia.kz.

Bloomberg Billionaires Index (BBI) деректеріне сүйенсек, бұл – индекстің 13 жылдық тарихындағы бір күн ішінде тіркелген төртінші ірі құлдыраыу және COVID-19 пандемиясынан бергі ең ауқымдысы. Тізімге енген миллиардерлердің жартысынан көбі байлығын орта есеппен 3,3%-ға жоғалтқан.

Ең көп шығынға ұшырағандар — америкалық миллиардерлер. Олардың ішінде Meta компаниясының басшысы Марк Цукерберг пен Amazon негізін қалаушысы Джефф Безос ерекше аталады. Агенттік мәліметінше, Мексиканың ең бай адамы Карлос Слим сол баяндаушылардың арасында теріс әсерден аман қалған санаулы миллиардерлердің бірі болды.

Ең ірі шығынды Марк Цукерберг шекті — Meta акцияларының 9%-ға төмендеуі оның байлығын 17,9 миллиард долларға азайтты. Amazon акцияларының дәл осындай деңгейде құлдырауы Джефф Безостың байлығын 15,9 миллиард долларға қысқартты. Ал Tesla басшысы Илон Маск компания акцияларының 5,5%-ға арзандауынан 11 миллиард доллар жоғалтты.

Еске сала кетсек, АҚШ президенті Дональд Трамп 2 сәуірде 185 ел мен аумақтан келетін тауарларға кедендік тарифтер енгізетінін мәлімдеген болатын. Ол импорттық тауарларға минималды 10% мөлшерінде баж салығын енгізетінін айтты. Кейбір елдер үшін жеке тарифтер белгіленген. Соның ішінде Қазақстан тауарларына баж салығын 27%-ға өсірді.

Бұл ретте еліміздің Сауда және интеграция министрлігі жаңа тарифтерге қатысты мәлімдеме жасады.