Аймақ

Таразда аса қатыгездікпен адам өлтірген қала тұрғыны ұсталды

13:44, 04 сәуір 2025 76

Тараздың «Жайлау» шағын ауданында мәйіті табылған ер адамды өлтірді деген күдікпен қала тұрғыны ұсталды, деп хабарлайды Bairaqmedia.kz.

Бұл қылмысты ашу үшін жедел топ құрылып, күдіктінің орналасқан жерін анықтау және ұстау, сондай-ақ дәлелдемелер базасын бекіту үшін үлкен жұмыс көлемі жүргізілді. Қазір ер адам өзінің кінәсін мойындап, уақытша ұстау изоляторына қамаққа алынды, – делінген хабарламада.

Қылмыстық істі тергеу жалғасып жатыр және полиция департаменті басшылығының қатаң бақылауында.

Еске сала кетсек, бұған дейін Жамбыл облысы орталығының шағын аудандарының бірінде басы жарылған ер адамның мәйіті табылған еді. Осыдан кейін әлеуметтік желіде «Таразда балға ұстаған маньяк байқалды, зардап шеккендер бар» деген ақпарат тарады. Облыстық полиция департаменті бұл ақпаратты жоққа шығарған болатын.

Біздің Telegram арнамызға жазылып, соңғы ақпаратты оқыңыз. Егер хабарлама жолдағыңыз келсе, WhatsApp-қа жазыңыз.

Тағы да оқыңыз