Жамбыл облысы орталығының шағын аудандарының бірінде басы жарылған ер адамның мәйіті табылды. Осыдан кейін әлеуметтік желіде «Таразда балға ұстаған маньяк байқалды, зардап шеккендер бар» деген ақпарат тарады. Облыстық полиция департаменті бұл ақпараттың шындыққа жанаспайтынын мәлімдеді, деп хабарлайды Bairaqmedia.kz.

Ведомство өкілдерінің ақпаратына сәйкес, аталған дерекке қатысты қылмыстық іс тергеліп жатыр.

Күдіктіні анықтау және ұстау мақсатында барлық қажетті жедел-тергеу және іздестіру шаралары жүргізіліп жатыр, – деді ПД ресми өкілі Гүлсара Мұхтарқұлова.

Тергеу барысы Полиция департаменті басшылығының бақылауында.

Сондай-ақ, заңнамаға сәйкес, жалған ақпаратты, оның ішінде әлеуметтік желілер мен мессенджерлер арқылы таратқаны үшін қылмыстық жауапкершілік көзделгенін ескертеміз, – деді ресми өкіл.