Шұңқырға құлап кеткен адамды ТЖМ қызметкерлері құтқарды, деп хабарлайды Bairaqmedia.kz.

Түркістан облысы Түлкібас ауданы Рысқұлов ауылында базар аумағында 1969 жылы туған ер адам тереңдігі 4 метр болатын құрылыс шұңқырына құлап кетіп, өз бетінше шыға алмады.

Құтқарушылар көмекке асығып, зардап шегушіні шығарып, жедел медициналық жәрдем қызметкерлеріне тапсырды, – делінген хабарламада.

Белгілі болғандай, құрылыс жұмыстарын жүргізу кезінде ер адам абайсызда шұңқырға құлаған.

Еске сала кетсек, бұған дейін Алматыда су құбырын төсеу кезінде жұмысшы 3 метр тереңдіктегі шұңқырға құлап кетіп, зардап шеккенін хабарлаған болатынбыз. 

Сондай-ақ, ШҚО-да жұмысшы жер қазу кезінде қаза тапқанын хабарлаған болатынбыз.