Тайландта жарылған катерде төрт Қазақстан азаматы болған, деп хабарлайды Bairaqmedia.kz.
Сыртқы істер министрлігінің мәліметінше, екі адамның құжаттары жанып кеткен.
Катердің бортында төрт Қазақстан азаматы болған, олардың жағдайы жақсы, олар Тайландтағы демалыстарын жалғастыруда. Олардың екеуінің паспорттары өртеніп кеткен, консул оларға ертең уақытша құжаттар рәсімдеп береді, сол арқылы олар Қазақстанға орала алады», – деп мәлімдеді Сыртқы істер министрлігінің ресми өкілі Айбек Смадияров.
Еске сала кетсекк, бұған дейін Қазақстан мен Ресейден келген туристері бар катер Пхукет аралының маңында жарылғанын хабарлаған болатынбыз. Оның ішінде жалпы саны 31 адам болған.
