1 маусымнан бастап «Жолаушылар тасымалы» АҚ №614/613 «Орал–Маңғыстау» бағытындағы пойыз құрамында әйелдер вагонын іске қосады. Осылайша «Әйелдер вагоны» қызметі көрсетілетін бағыттардың жалпы саны 12-ге жетеді, деп хабарлайды Bairaqmedia.kz.
Қазір әйелдер вагондары келесі бағыттарда жүреді:
- №77/78 «Алматы – Маңғыстау»;
- №351/352 «Алматы – Маңғыстау»;
- №45/46 «Павлодар – Түркістан»;
- №37/38 «Маңғыстау – Семей»;
- №47/48 «Атырау – Астана»;
- №33/34 «Ақтөбе – Алматы»;
- №4/3 «Астана – Алматы»;
- №71/72 «Астана – Шымкент»;
- №354/353 «Астана – Семей»;
- №24/23 «Ақтөбе – Алматы»;
- №25/26 «Алматы – Шымкент»;
- №614/613 «Орал – Маңғыстау».
Айта кетсек, әйелдер вагонында қызмет көрсету міндетін арнайы дайындықтан өткен әйел жолсеріктер орындайды. Сонымен қатар, бұл вагонда 7 жасқа дейінгі ұл балалар бірге жүруіне рұқсат берілген.
