Өзбекстан астанасы Ташкентте Қарағандыдан барған бес жас футболшының денсаулығы сыр беріп, ауруханаға жеткізілді. Балалар қонақүйде таңғы ас ішкеннен кейін өзін жайсыз сезінген. Алдын ала болжам бойынша, олар тамақтан улануы мүмкін, деп хабарлады Bairaqmedia.kz.
Алғашқы мәліметке сәйкес, жас спортшылардың іші ауырып, дене қызуы көтерілген. Дәрігерлер оларды тексеріп, алдын ала тағамнан улану диагнозын қойған. Назар аударарлығы, таңғы ас кезінде жұмыртқа жемеген сегіз балада ешқандай шағым болмаған. Алайда әзірге улануға нақты қандай тағам себеп болғаны анықталған жоқ. Мамандар тиісті талдаулар жүргізіп жатыр. Алдын ала хабарланғандай, зерттеу нәтижелері 12 сағат ішінде дайын болуы тиіс. Одан кейін балалардың денсаулығының нашарлауына не себеп болғаны нақтылануы мүмкін.
Оқиғаға Қазақстан консулы араласқаны хабарланған. Алайда консулдың тікелей ресми мәлімдемесі жарияланбады.
Қазақстан Республикасы Сыртқы істер министрлігі оқиғадан толық хабардар екенін айтып, емделуге мұқтаж отандастарымыздың Өзбекстанның арнайы медучреждениелеріне жатқызылғанын мәлімдеді. Мекеме өкілдері өздерінің ресми төл сөзінде былай деп жеткізді:
— «Қазақстандық дипломаттар зардап шеккендердің туыстарымен және медициналық мекемелермен байланыс орнатып, бұл мәселені тұрақты бақылауда ұстап отыр», — деп хабарлады ҚР СІМ.
