WhatsApp мессенджерінде Алматы қаласының әкімі Ерболат Досаев пен әкімдік қызметкерлерінің атынан жалған хабарламалар таралып жатыр, деп хабарлайды Bairaqmedia.kz.
Қала әкімдігінің мәліметінше, бейтаныс адамдар +7 707 342 64 39 нөмірінен, сондай-ақ басқа да мүмкін болатын нөмірлерден хабарлама жіберіп, қоңырау шалып жатыр.
Ресми түрде хабарлаймыз: Алматы қаласы әкімдігі мұндай сипаттағы хабарламаларды таратпайды. Мұндай хабарламаларды тарату мен бейтаныс тұлғалардан келетін қоңыраулар – алаяқтық әрекеттер.Сіздерден мұндай хабарламаларға жауап бермеуді, күмәнді сілтемелерге өтпеуді әрі жеке деректеріңізді таратпауды сұраймыз.Сақ болыңыздар, тек ресми ақпаратқа сеніңіздер. Егер осындай хабарлама алсаңыздар – құқық қорғау органдарына хабарласыңыздар, – делінген хабарламада.
