15 ماۋسىم كۇنى ءۇندىستاندا تىكۇشاق اپاتقا ۇشىرادى. سالدارىنان جەتى ادام قازا تاپقان، دەپ حابارلايدى bairaqmedia.kz

قايتىس بولعاندار اراسىندا پيلوت تا بار. رەسمي دەرەك بويىنشا، تىكۇشاق بورتىندا بەس ەرەسەك ادام، ءبىر نارەستە جانە ءبىر ەكيپاج مۇشەسى بولعان. ول گۋپتكاشي قالاسىنان تاڭعى 5:10-دا ۇشىپ شىعىپ، 5:18-دە كەدارناتح حرامىنىڭ تىكۇشاق الاڭىنا قونعان. ءبىر مينۋتتان سوڭ قايتادان اۋەگە كوتەرىلىپ، 5:19-دا گۋپتكاشي قالاسىنا بەتتەگەن. تىكۇشاق جولداعى گاۋريكۋند ماڭىندا اپاتقا ۇشىراعان.

اپاتتان كەيىن جەرگىلىكتى بيلىك پەن قۇتقارۋشىلار وقيعا ورنىنا دەرەۋ جەتىپ، جاعدايدى باقىلاۋعا العان. قازىرگى ۋاقىتتا قۇتقارۋ وپەراسياسى جالعاسىپ جاتىر. اپاتتىڭ سەبەپتەرى ءالى بەلگىسىز.

ەسكە سالايىق، وتكەن اپتادا ءۇندىستاندا اۋەگە ەندى كوتەرىلگەن جولاۋشىعا تولى ۇشاق اپاتقا ۇشىراعان بولاتىن. اپات سالدارىنان قازا تاپقاندار سانى 279 ادامعا جەتتى. العاشقىدا رەيسكە وتىرعان بارلىق جولاۋشىنىڭ قازا تاپقانى ايتىلعان. ارتىنان، ءبىر ادامنىڭ ءتىرى قالعانى بەلگىلى بولدى.