تۇركىستان قالاسىندا ءدىني كوزقاراس ءۇشىن ۆاكسينادان باس تارتۋ ماسەلەسى تالقىلاندى، دەپ حابارلايدى bairaqmedia.kz
«ۆاكسينادان باس تارتۋ – سىرقاتتان قۇتىلۋ جولى ەمەس» اتتى دوڭگەلەك ۇستەل تۇركىستان قالاسى كولەمىندە ءدىن سالاسىنا قاتىستى جوسپارلانعان اۋقىمدى ءىس-شارالار اياسىندا ۇيىمداستىرىلدى. شارا 24 ماۋسىم كۇنى تۇركىستان قالالىق ەمحاناسىندا ءوتتى.
وعان تۇركىستان قالاسى اكىمدىگىنىڭ ىشكى ساياسات ءبولىمىنىڭ باس مامانى ا. اۋەزحانوۆ، تەولوگ مامان ب. نۇريتدينوۆ، دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) زەرتتەۋشى ماماندارى سيفف نەلسون مەن ساحيل ۆارسي، سونداي-اق، قالالىق مەشىت يمامدارى مەن تۇركىستان وبلىسى اقساقالدار القاسىنىڭ مۇشەلەرى قاتىستى.
دوڭگەلەك ۇستەل بارىسىندا ءدىني باعىتتاعى جات اعىم وكىلدەرىنىڭ ەكپەدەن باس تارتۋىنا قاتىستى ماسەلەلەر قوزعالدى. ءارى بۇل باعىتتا تۇسىندىرمە جۇمىستار جۇرگىزىلدى. كەيىن قاتىسۋشىلار اراسىندا پىكىر الماسۋ ۇيىمداستىرىلىپ، كوپشىلىكتى تولعاندىرعان سۇراقتارعا جاۋاپ بەرىلدى. ايتا كەتەيىك، سوڭعى جىلدارى ەلىمىزدە ءدىني كوزقاراس ءۇشىن ۆاكسيناسيادان باس تارتۋ ماسەلەسى وزەكتى بولىپ وتىر.
ءىس-شارا قوعامدىق دەنساۋلىقتى ساقتاۋ جانە ءدىني سەنىم مەن مەديسينا اراقاتىناسى ماسەلەلەرىن دۇرىس ءتۇسىندىرۋ باعىتىندا ماڭىزدى قادام بولدى.
