قازاقستان پرەزيدەنتى ءۇندىستان پرەمەر-مينيسترىنە كوڭىل ايتۋ جەدەلحاتىن جولدادى، دەپ حابارلايدى Bairaqmedia.kz.
مەملەكەت باسشىسى قاسىم-جومارت توقايەۆ ءۇندىستان پرەمەر-مينيسترى نارەندرا موديگە احمەداباد قالاسى اۋەجايىنىڭ ماڭىندا بولعان جولاۋشىلار ۇشاعى اپاتىنان كوپتەگەن ادامنىڭ قازا تابۋىنا بايلانىستى كوڭىل ايتتى.
قازاقستان پرەزيدەنتى اۋە اپاتىنان قايتىس بولعان ازاماتتاردىڭ وتباسىلارى مەن جاقىندارىن سابىرعا شاقىرىپ، جاراقات العانداردىڭ تەزىرەك ساۋىعىپ كەتۋلەرىنە تىلەكتەستىك ءبىلدىردى.
ايتا كەتسەك، Air India اۋە كومپانياسىنا تيەسىلى Boeing 787 Dreamliner ۇشاعى احمادابادتان لوندونعا باعىت العان رەيس كەزىندە ۇشىپ شىققاننان كەيىن كوپ ۇزاماي اپاتقا ۇشىراعان.
جەرگىلىكتى باق-تىڭ جازۋىنشا، بورتتا 232 جولاۋشى جانە 12 ەكيپاج مۇشەسى بولعان بولۋى مۇمكىن.
