استاناداعى اۆتوبۋس اپاتىننان كەيىن ەكى اياعىنان ايىرىلعان الۋا بەكەن بالالاردى وڭالتۋ ورتالىعىندا ەم قابىلدايتىن بولدى دەپ حابارلايدى BairaqMedia.kz.
بۇل تۋرالى وسى ورتالىقتىڭ باسشىسى اجار عينيات ءوزىنىڭ الەۋمەتتىك جەلىدەگى پاراقشاسىنا جازدى.
- كەشە ارىپتەستەرىممەن بىرگە اۋىر جاراقات العان الۋا ەسىمدى قىزدىڭ وتباسىنا باردىق. جول-كولىك وقيعاسى سالدارىنان سەگىز جاسار ءبۇلدىرشىن ەكى اياعىنان ايىرىلدى.اتالعان جاعداي ورىن العان كۇننەن باستاپ ورتالىعىمىز الۋاعا قاجەتتى كومەكتى كورسەتۋ جولدارىن قاراستىرىپ كەلەدى. باستاپقىدا پروتەز ورناتىلعاننان كەيىن كەشەندى وڭالتۋ كۋرسىن ۇسىنۋدى جوسپارلانعان ەدىك. الايدا اناسى ماحابباتتىڭ ايتقان ۋايىمدارى مەن الۋانىڭ مازاسىز كۇيى- كومەكتى ءدال ءقازىر باستاۋ قاجەت ەكەنىن كورسەتتى-دەپ جازدى بۇرىنعى دەنساۋلىق ساقتاۋ ءمينيسترى.
-قازىرگى ۋاقىتتا الۋا قالالىق اۋرۋحانادا ەم الىپ جاتىر. كەشە اناسى ماحابباتپەن كەزدەسۋدە اۋرۋحانادان شىققان سوڭ قىزىمىز ءبىزدىڭ ورتالىقتا كەشەندى وڭالتۋ كۋرسىنان وتەتىن بولىپ كەلىسىلدى. بۇل كەزەڭدە ماماندارىمىز ونىڭ فيزيكالىق جاعدايىن قالپىنا كەلتىرۋمەن قاتار، پسيحولوگيالىق جانە الەۋمەتتىك بەيىمدەلۋىنە دە جان-جاقتى قولداۋ كورسەتەتىن بولادى.
