سوڭعى 10 جىلدا قازاقستان IT سالاسىندا ۇلكەن قادام جاسادى. قازىرگى تاڭدا وتاندىق FinTech نارىعى تمد ەلدەرى اراسىندا ەڭ ديناميكالىق نارىقتاردىڭ ءبىرى بولىپ تابىلادى. بۇرىن قازاقستاندىق كومپانيالار تەك تولەم قىزمەتتەرىن سيفرلاندىرۋمەن اينالىسسا، ءقازىر IT سالاسىندا قارجىلىق شەشىمدەردىڭ اۋقىمى ايتارلىقتاي كەڭەيگەن. مامانداردىڭ پايىمداۋىنشا، 2035 جىلعا قاراي قازاقستانداعى بارلىق ترانزاكسيالاردىڭ 90%-ى ونلاين-سەرۆيستەر ارقىلى جۇزەگە اساتىن بولادى، ال زاڭدى جانە جەكە تۇلعالارعا بەرىلەتىن كرەديتتەردىڭ 30%-ى ونلاين تۇردە ۇسىنىلادى. 

FinTech سەكتورى ءقازىر ەكونوميكادا ماڭىزدى درايۆەرگە اينالىپ جاتىر، سوندىقتان مەملەكەت IT يندۋسترياسىن دامىتۋعا ۇلكەن كوڭىل بولۋدە. وسى تاراپتا ميكروقارجىلىق ۇيىمدار ەكىنشى دەڭگەيلى بانكتەرگە قاراعاندا اۋقىمى كىشى بولعانىمەن، نارىقتاعى مۇمكىندىكتەردى ءتيىمدى پايدالانىپ، جاڭا تەحنولوگيالار مەن ىڭعايلى ونىمدەر ۇسىنۋعا ۇمتىلادى. ەلىمىزدىڭ FinTech قىزمەتتەرىنىڭ دامۋى تۋرالى ايتقاندا، ەڭ الدىمەن بانكتەردىڭ ءموبيلدى قوسىمشالارى ويعا كەلەدى. وسىعان وراي، ميكروقارجىلىق ۇيىمدى IT-ستارتاپ رەتىندە قاراستىرىپ، TAS Group كومپانياسىنىڭ دامۋ جولىنا نازار اۋدارايىق. 

TAS Group-تا IT باعىتىنىڭ دامۋى كومپانيانىڭ قۇرىلۋىنان باستاۋ الدى. قازىرگى ۋاقىتتا بۇل مەكەمە جاڭا سەرۆيستەرمەن ينتەگراسيالانىپ، ىشكى جوبالار ازىرلەۋمەن اينالىساتىن ۇلكەن توپقا اينالدى. كومپانيادا ەكى نەگىزگى ءبولىم بار — «IT دەپارتامەنتى» جانە «جوبالار مەن پروسەستەردى دامىتۋ دەپارتامەنتى». 

بۇل ەكى ءبولىم دە كومپانيانىڭ ءبىر ۇلكەن ميسسياسى اياسىندا جۇمىس ىستەيدى — «يننوۆاسيالىق شەشىمدەردىڭ كومەگىمەن ماقساتقا جەتكىزەتىن قارجىلىق مۇمكىندىكتەر ۇسىنۋ». وسى باعىتتا 60-تان استام IT-ينجەنەرلەر مەن ارنايى بىلىكتىلىگى بار ازىرلەۋشىلەر جۇمىس ىستەيدى. ولاردىڭ مىندەتتەرى — جالپى اۆتوماتتاندىرۋ، پروسەستەردى سيفرلاندىرۋ، قارجى سالاسىنداعى جاڭا يننوۆاسيالىق جۇيەلەر مەن شەشىمدەر ازىرلەۋ. 

«بۇگىندە TAS Group كومپانياسىنىڭ ۇلكەن IT-كوماندانىڭ ارقاسىندا بيزنەس-پروسەستەرىمىزدىڭ 80%-ى اۆتوماتتاندىرىلعان. سونداي-اق كوپتەگەن ىشكى ازىرلەمەلەر مەن موديفيكاسيالار بار. ولار بىزگە كۇردەلى شەشىمدەر قابىلداۋعا، جۇمىسىمىزدى جەڭىلدەتۋگە جانە جاڭا قۇرالداردى ەنگىزۋ ءۇشىن شىعارماشىلىق اتموسفەرا قالىپتاستىرۋعا كومەكتەسەدى»، — دەيدى IT دەپارتامەنتىنىڭ باسشىسى ەركەبۇلان قۇرىشبايەۆ. 

اتالعان دەپارتامەنتتە بەكەند-ازىرلەۋشىلەر، دەرەكتەر بازاسىن ازىرلەۋشىلەر، فرونتەند-ازىرلەۋشىلەر، ءموبيلدى قوسىمشا جاساۋشىلار، بيزنەس-اناليتيكتەر، پروداكت-مەنەدجەرلەر، پرودجەكت-مەنەدجەرلەر جانە ديزاينەرلەر جۇمىس ىستەيدى. بارلىق پروسەستەردىڭ جۇمىسىن scrum-ماستەرلەر قاداعالايدى. سپرينتتەر ەكى اپتا سايىن وتكىزىلەدى. سونداي-اق قىزمەتكەرلەردىڭ جۇمىسىن كەز كەلگەن بولىمشەدە جىلدام ۇيلەستىرۋگە كومەكتەسەتىن تەحنيكالىق قولداۋ ماماندارى بار. 

بۇعان قوسا، كومپانيانىڭ مەنەدجمەنتى بيزنەس-جوسپارلاۋ ءۇشىن Power BI ارقىلى ەسەپ بەرۋ جۇيەسىن قولدانادى. بۇل جۇيە بارلىق اقپاراتتىق جۇيەلەردەن مالىمەتتەر جيناپ، قاجەتتى اقپاراتتى تەز جەتكىزۋگە مۇمكىندىك بەرەدى. بۇل كومپانياعا جەدەل ءارى ءتيىمدى شەشىمدەر قابىلداۋعا كومەكتەسەدى. 

جاڭا جوبالاردى ىسكە قوسۋ بيزنەستىڭ سۇرانىسى بويىنشا جۇرگىزىلەدى. مىسالى، كليەنتتەرگە پوستكرەديتتىك قىزمەت كورسەتۋ ءۇشىن پايدالانىلاتىن «جەكە كابينەت» جوباسى. ونىڭ كومەگىمەن قارىز شارتتارىن كورۋگە، انىقتامالار الۋعا، قاشىقتان تولەم جاساۋعا، سونداي-اق قارىزدى تولىق نەمەسە ءىشىنارا وتەۋگە بولادى. 

ەكىنشى باعىت — TASLAB، ول ارقىلى كومپانيا مەملەكەتتىك قىزمەتتەرمەن ينتەگراسيالانىپ، قارىزدى ماقۇلداۋدى جەڭىلدەتۋ ءۇشىن بارلىق دەرەكتەرگە جىلدام ءارى وڭاي قول جەتكىزەدى. بۇل سەرۆيس قوسىلماس بۇرىن TAS Group كومپانياسى مينيسترلىكتەن اككرەديتاسيا الىپ، اقپاراتتى كليەنتتىڭ كەلىسىمىمەن پايدالانۋ ءۇشىن اقپاراتتىق قاۋىپسىزدىك جونىندەگى وپەراتيۆتىك ورتالىقتىڭ ماقۇلداۋىن الدى. 

ءۇشىنشى ۇلكەن باعىت — ىشكى جانە سىرتقى ەسەپ بەرۋدى تولىقتاي اۆتوماتتاندىرۋ. كومپانيا ازىرلەگەن باعدارلاما پروۆيزيانى اۆتوماتتى تۇردە ەسەپتەيدى. باسقا ميكروقارجىلىق ۇيىمدار مۇنداي ماسەلەلەرگە باس قاتىرعىسى كەلمەيدى، ويتكەنى ىشكى پروسەستەرى وتە كۇردەلى، دەيدى ەركەبۇلان قۇرىشبايەۆ. 

ءتورتىنشى باعىت — كليەنتتەر مەن مەنەدجەرلەر ءۇشىن ازىرلەنگەن TASCREDIT ONLINE ءموبيلدى قوسىمشاسى. بۇل جوبا 2018 جىلى ىسكە قوسىلدى، ال 2024 جىلدىڭ باسىندا جاڭا TASCREDIT ONLINE 2.0 نۇسقاسى شىقتى. 

HR برەندىن دامىتۋ باعىتىندا كومپانيا قىزمەتكەرلەردىڭ ءتارتىبىن باقىلاۋ پروسەسىن اۆتوماتتاندىردى. ارنايى HR-بوتتىڭ كومەگىمەن قىزمەتكەرلەردىڭ جۇمىسقا كەشىككەنىن، ۇيدەن جۇمىس ىستەپ جاتقانىن، دەمالىستا جۇرگەنىن كورۋگە بولادى. قىزمەتكەرلەردى موتيۆاسيالاۋ بويىنشا شەشىمدەر قابىلداۋدا HR-بوتتىڭ دەرەكتەرى شەشۋشى ءرول اتقارادى. 

«بۇدان بولەك ءبىز FinCore، Power BI، Bitrix سياقتى سەرۆيستەردى ينتەگراسيالاۋ، تەحنيكالىق قولداۋ كورسەتۋ جانە اۆتوماتتاندىرۋ بويىنشا جۇمىس ىستەيمىز. سونداي-اق ءموبيلدى قوسىمشالار ازىرلەۋدەمىز، ولار بيزنەستىڭ پروسەستەرىن اۆتوماتتاندىرىپ، ارىپتەستەرىمىزدىڭ جۇمىسىن جەڭىلدەتۋگە كومەكتەسەدى. بارلىق وسى سەرۆيستەر FinCore دەپ اتالاتىن ءبىزدىڭ ارنايى ازىرلەگەن ەسەپ جۇيەمىزبەن تىعىز بايلانىستى. ول كومپانيانىڭ وسۋىنە ۇلكەن سەپتىگىن تيگىزەدى جانە ونىمدەر مەن نەگىزگى بيزنەس-پروسەستەرگە ارنالعان كەڭ مۇمكىندىكتەر ۇسىنادى. ءبىز ۇزاق جىلدار بويى كوپتەگەن قيىندىقتاردى جەڭىپ، بارلىق پروسەستەرىمىزدى جاڭارتىپ، جەتىلدىرىپ كەلەمىز. بۇل TAS Group كومپانياسىنىڭ قازاقستانداعى جانە الەمدەگى ەڭ تەحنولوگيالىق ءارى يننوۆاسيالىق FinTech-كومپانياعا اينالۋىنىڭ نەگىزگى باعىتى»، — دەپ قورىتىندىلادى ەركەبۇلان قۇرىشبايەۆ. 

TAS Group زاماناۋي قارجىلىق تەحنولوگيالاردىڭ تەك اۆتوماتتاندىرۋ قۇرالى عانا ەمەس، سونىمەن قاتار پروگرەستىڭ قوزعاۋشى كۇشى بولا الاتىنىن كورسەتەدى. باتىل شەشىمدەردىڭ، يننوۆاسيالىق ءتاسىلدىڭ جانە سيفرلىق سەرۆيستەردى بەلسەندى ەنگىزۋدىڭ ارقاسىندا كومپانيا قارجى سەكتورىنىڭ ترانسفورماسياسىنا ايتارلىقتاي ۇلەس قوسۋدا. قارقىندى دامۋ مەن زاماناۋي تەحنولوگيالاردى پايدالانۋ TAS Group-قا ترەندتەردى تەك قانا ۇستانۋعا ەمەس، سونىمەن قاتار ولاردى قالىپتاستىرۋعا مۇمكىندىك بەرەدى، بۇل كومپانيانى ەلدەگى قارجىلىق ءىت-يندۋستريادا ناعىز «ريەۆوليۋسيا» جاساۋشىعا اينالدىرادى.