الماتى حالىقارالىق اۋەجايىنىڭ ىشكى رەيستەر تەرمينالىندا توتەنشە جاعداي ورىن الدى، دەپ حابارلايدى Alash.kz.
بەلگىسىز جولاۋشى اجەتحاناعا كىرىپ، وزىنە دەنە جاراقاتىن سالۋعا ارەكەتتەنگەن. انىقتالعانداي، ەر ادام بوتەلكەنىڭ سىنىعىمەن كەڭىردەگىن كەسپەك بولعان.
اۋەجاي قىزمەتكەرلەرى وقيعانى دەرەۋ بايقاپ، مەديسينالىق قىزمەتكە حابارلادى. جەدەل جاردەم جەتكەنگە دەيىن ەر ادامعا العاشقى كومەك كورسەتىلىپ، ونىڭ ءومىرىن ساقتاۋ ءۇشىن بارلىق شارا قولدانىلدى. قازىرگى تاڭدا ونىڭ جاعدايى تۇراقتى، ومىرىنە ءقاۋىپ جوق جانە ول دارىگەرلەردىڭ باقىلاۋىندا.
جەلىدە تاراعان بەينەجازبالاردا اجەتحانادا قانعا مالىنعان ادامنىڭ كورىنىسى بار.
اۋەجاي اكىمشىلىگى بولعان جاعدايدىڭ اۋەجاي جۇمىسىنا ەش اسەر ەتپەگەنىن مالىمدەدى. بارلىق رەيستەر كەستەگە سايكەس ورىندالىپ جاتىر، اۋەجاي قىزمەتى قالىپتى رەجيمدە جالعاسۋدا.
