حالىق اراسىندا "ۇكىلى بالا" لاقاپ اتىمەن تانىمال ەربولسىن سەرىكبايەۆ جۋرناليست امان تاسىعانعا سۇحبات بەرىپ، ەمشىلەردىڭ 90 پايىزىن شارلاتانعا تەڭەدى، دەپ حابارلايدى bairaqmedia.kz.

«كەزىندە وزىمدە ادام ەمدەدىم، كەلگەنىن كەلگەندەي قابىلدايسىڭ. كەيدە ساعان ناۋقاستىڭ قانداي حالدە كەلگەنى ماڭىزدى ەمەس، ناۋقاستىڭ ساعان بەرەتىن مۇمكىندىكتەرىنە كوزىڭ تۇسەدى. ول ءقازىر كوپ ەمشىلەردىڭ باستى كوزىرى دەۋگە بولادى.

ياعني سەن ناۋقاستىڭ جازىلىپ كەتۋىن ەمەس، ناۋقاستان قانشا اقشا الا الامىن دەگەن نيەتپەن جاسايسىڭ. ءبىراق سەن ونى ەسسىز كۇيدە جاسايسىڭ. سەن ونىڭ جاقسى بولىپ كەتۋىن قالايسىڭ، ءبىراق ول ناۋقاسقا سەنىڭ كومەگىڭ تيمەيدى، وعان ءقازىر مىندەتتى تۇردە مەديسينالىق ەمدەردىڭ قاجەتتىگىن ءتۇسىنىپ تۇراسىڭ، ءبىراق سەن جاڭاعى ادامعا ەمدەلەسىڭ دەپ ايتاسىڭ. ول دەگەنىمىز وتىرىك. ارينە، سوڭىندا ناتيجە بولماعاننان كەيىن رەنىش پايدا بولا باستايدى.

سوندىقتان مەن ايتامىن ەمشىلەردىڭ 90 پايىزى تولىقتاي ەمشىلىك قاسيەتكە يە ەمەس. ياعني شارلاتان دەپ ايتۋعا بولادى. ەمشىلەردى ەكى نارسە قۇرتادى. ءبىرىنشىسى اراق، ەكىنشىسى اقشا»، دەيدى ول.