ادۆوكات ءلاززات احاتوۆا قوعامدا قىزۋ تالقىعا تۇسكەن ءانارۋ ءقۇرمانالى ىسىنە بايلانىستى مالىمدەمە جاسادى، دەپ حابارلايدى bairaqmedia.kz.
زاڭگەردىڭ ايتۋىنشا، ول كومپوزيتور قالدىبەك ءقۇرمانالى مەن ونىڭ قىزى ءانارۋ اراسىنداعى جاعدايعا قاتىستى ءبىرقاتار دەرەكتەردى كوپشىلىككە جەتكىزگەن.
احاتوۆا اتالعان ءىستىڭ قوعام نازارىن اۋدارعانىن اتاپ ءوتىپ، بارلىق شىندىقتى اشىق ايتۋعا نيەتتى ەكەنىن مالىمدەدى.
«وسى ۋاقىتقا دەيىن اۋرۋ ادامدى اياپ، نە وتتاسا دا، ۇندەمەي كەلگەم... اڭگىمە – ءبىر كومپوزيتور اعامىزدىڭ اتى ابدەن شىققان، ار مەن ابىروي دەگەن ۇعىمنان جۇرداي قىزى تۋرالى... بۇل تاقىرىپتا ەندى مۇلدە ءسوز قوزعامايمىن دەگەنمىن. ءبىراق جازۋعا تۋرا كەلىپ تۇر. ويتكەنى مەنىڭ ابىرويىما كۇيە جاعىپ، ويىنا كەلگەن سوزدەردى ايتىپ، ۇمىتىلا باستاعان اتىن قايتا جاڭعىرتۋ ماقساتىندا كولدەي پوست جازىپتى. ونى ماعان ءقازىر عانا قىزىم جىبەردى.
وسى ۋاقىتقا دەيىن ول قىز تۋرالى شىندىقتى كورىپ-بىلسەم دە، قىز ابىرويى مەن ارى نازىك نارسە عوي دەپ، جاق اشپادىم... ادۆوكاتتىق قۇپيانى دا ساقتاۋ كەرەك بولدى. ال ەندى ماسەلە وزىمە كەلگەندە، ءوز ارىم مەن ابىرويىما نۇقسان كەلسە، ادۆوكاتتىق قۇپيانى بۇزعانىم ءۇشىن جاۋاپ بەرمەيمىن. ءبىر جاعى ەكىنشى تاراپتىڭ دا كىناسى بولعاسىن، وتباسىلى ەركەكتىڭ ايەلىنىڭ ۇستىنەن باسقا قىزدارمەن ويناستىق جاساعانىن (قاتتى كەتسەم، ايىپ ەتپەسسىزدەر، قازاقتىڭ ءسوزى عوي) ەشقاشان قۇپتاماعاندىقتان، ول جىگىت ىستەگەن ىسىنە تىم بولماسا، ۇيالار دەگەن ءۇمىت بولدى.
قالدىبەك اعامىز دا قىزىنىڭ سىرىن بىلگەسىن، «ەل الدىنداعى ابىرويىم ايرانداي بولماس ءۇشىن جىگىت كەشىرىم سۇراسا، مەن توقتاتام دەپ ءوزىم ايتام ەل الدىندا» دەدى. بۇكىل تۋعان-تۋىسى، اكەسى، باۋىرلارى تەرىس اينالعان ناۋقاس قىزدىڭ ىسىنە ارالاسقانىما تالاي مارتە وكىندىم... ءبىراق ماقسات – باستاعان ءىستى اياقتاۋ، ەلگە جاريا بولعان قىز ابىرويىن جابۋ بولدى»، – دەيدى زاڭگەر.
زاڭگەر ءلاززات احاتوۆا بۇل ىسكە ارالاسۋىنا نە سەبەپ بولعانىن بۇگە-شۇگەسىنە دەيىن بايانداپ بەردى.
«ءبىر كۇنى جەلىدەن ەلدىڭ دەنى جابىلىپ، تىلدەپ جاتقان قىزدىڭ سۇقباتىن كوزىم شالدى. ءبىر سپورتشى زورلادى دەپ، جۋرناليستەرگە سۇقبات بەرىپ تۇر ەكەن. ءوزىمىز دە قىز ءوسىرىپ وتىرعاسىن، قىز بالانىڭ تاعدىرىنا بەي-جاي قاراي المايمىز عوي. كىمنىڭ قىزى ەكەنىن بىلگەن دە جوقپىن، ول كەزدە. بىرەۋلەر قالدىبەك ءقۇرمانالىنىڭ قىزى ما دەپ جاتىر ەكەن. قاتتى ارالاسقان كىسىم بولماعاسىن، ونشا ءمان بەرمەدىم. كىمنىڭ قىزى ەكەنى ءبارىبىر ەدى. انام قايتىس بولعان دەپ جاتقانىن ەستىدىم. سول ءسوز عوي، ايەل-انالاردىڭ جۇرەگىنە ءدوپ تيەتىن. ول قىز مانيپۋلياسيانى ابدەن مەڭگەرگەن اككى ەكەنىن قايدان ءبىلسىن، بىلايعى جۇرت؟ بارىنەن بۇرىن انا رەتىندە پوست جازدىم. سىلتەمەسىن تاپسام، سالام. سونىمەن بولدى. مەن ارى قاراي ءوز شارۋالارىممەن اينالىسىپ كەتكەم. قازاقتىڭ ءبىر قىزىنىڭ تاعدىرى عوي دەگەن جاناشىرلىق نيەتپەن بولىستىق قوي.
سول كۇنى تۇندە ماعان بەلگىسىز نومىردەن ءبىر سمس حابارلاما ءتۇسىپتى. قىزدىڭ اكەسى قالدىبەك اعامىز جازىپتى. ءنومىرىمدى ايگۇل ەلشىبايەۆادان الىپتى. مەن ول جازعان حاتىن تاۋىپ الۋعا تىرىسام. حاتتا كەشەگى سۇقبات بەرگەن قىزدىڭ ورالدىق اقىن ايەلدەن تۋعان قىزى ەكەنىن، قىزدىڭ اناسىمەن ازاماتتىق نەكەدە تۇرعانىن، ءبىر ۇل، ءبىر قىزى بارىن ايتىپتى. اتا-انا رەتىندە كىم بولسا دا، بۇنداي جاعدايدا تۇسىنىستىكپەن قاراپ، جۇباتۋ ءسوز ايتادى. مەن دە سولاي جاسادىم. مەسسەنجەرگە ءانارۋدىڭ ءوزى شىعىپ، قولداعانىما العىس ايتىپتى. سونىمەن اڭگىمە ءتامام بولعان. ەرتەسى قىزدىڭ اكەسى تاعى جازدى. گونورارىڭ قانشا بولادى، سەنى ادۆوكات ەتىپ الساق دەپ. مەن بىردەن باس تارتتىم. ادۆوكاتتى سول جاقتان، الماتىدان تاپقانىڭىز ءجون دەدىم. سول كۇيى باس تارتۋىم كەرەك ەكەن... بىرەۋدى ءتۇسىنۋ، بىرەۋگە جان اشۋ قۇرتادى عوي، ءبىزدى. ەكى ورتادا ءانارۋدان مەسسەنجەردە تەرگەۋدىڭ قالاي بولعانىن سۇراپ، اناسى جوق جەتىم قىز عوي، اكەسىنىڭ بولەك وتباسى بار، جالعىز عوي دەپ، جانىم اشىپ، قۇقىقتىق كەڭەستەر بەردىم. قورعاۋشىسى بولماي تۇرىپ.
سودان قالدىبەك اعا تاعى شىقتى. اقشام جوق، جاعدايىم ناشار دەگەن اڭگىمە ايتا باستادى. مەن گونورار تۋرالى ءسوز دە قوزعاماي جاتىپ. سوسىن مەن “اعا، مەن ونسىز دا قازاقتىڭ قيىندىققا تۇسكەن قىزدارىن قولدايمىن. تيىنىڭسىزسىز دا، قىزىڭىز ەكەنىن بىلمەي -اق، تانىماسام دا، قىزىڭىزدى قولدادىم. ارى قاراي دا قولدايمىن، ءبىر تيىنىڭىزدىڭ كەرەگى جوق" دەدىم»، - دەيدى زاڭگەر.
اشۋعا بۋلىققان ادۆوكات ءانارۋدىڭ بارلىق ايتقانىن جوققا شىعاردى.
«ەندى وسى جەردە ول كىسى رەنجىسە دە، ايتپاسقا امال قالمادى. اتىم بۇل ىستە اتالماسىنشى دەپ ەدى. الماتى قالالىق سوتىنىڭ ءتوراعاسى بولعان نۇرلان دەگەن اعامىز بار ەدى. ءقازىر ەۆروپادا تۇرادى. مەنىڭ قايىن اتاما ءىنى بوپ، وتباسىمىزبەن ارالاسقان جانە سىيلاس كىسى ەدى. 2005 جىلى سۋديالىققا ءوتۋ ءۇشىن، وسى استانادا ەمتيحان تاپسىرىپ جۇرگەندە، كوميسسيا قۇرامىنىڭ مۇشەسى بولاتىن. سول كىسى تەلەفون سوقتى. بەلگىسىز شەتەلدىك نومىردەن، “ءلاززات، قارىنداسىم، امانسىڭ با؟ نۇرلان اعاڭ عوي” - دەپ جازىپتى، الدىمەن. ۇيالعانىمنان ترۋبكانى كوتەردىم. قىسقاسى، سول كىسى سۇراندى، اقىرىندا. وسى ىسكە كومەكتەسۋىمدى. قىزدىڭ اكەسىنە اعايىندىعى بار ەكەن، تۇسىنگەنىم. مەن قالدىبەكتەن دە، ونىڭ ناۋقاس قىزى ءانارۋدان دا گونورار العان ەمەسپىن. پوستىندا «1 ملن تەڭگە گونورار بەردىك» دەپ ءبوسىپتى. تاپ ءبىر ءوزى بەرگەندەي. تيىن-تەبەن تۋرالى جازۋدى ار ساناۋشى ەم، امال جوق، جازباسىنداعى قىپ-قىزىل جالاسى مەن قىرىق وتىرىگىنە سىزدەر ءۇشىن جاۋاپ بەرۋگە تۋرا كەلىپ تۇر.
بۇل ۋاجدەر ءبىر جاعى سوتقا دا كەرەك. قاعاز جازۋعا مۇرشا بولماي ءجۇر ەدى. امال جوق، ەكى سوتقا ارىز جازعالى جاتىرمىن. كليەۆەتامەن، سوسىن ار-نامىس، ابىرويدى قورعاۋ بابىمەن. اكەسى ەكەۋىنەن 10 ملن تەڭگە مورالدىق شىعىن وندىرەم. ادامنىڭ ار-ابىرويمەن، كوڭىلىمەن، جۇيكەسىمەن ويناعاننىڭ قانداي بولاتىنىن كورسىن. اقىرى ولاردىڭ قالتاسىنان كوك تيىن تولەنگەن جوق. اكەسى وزىنەن-وزى اقشام جوق، اۋرۋمىن دەپ “جىلاپ” كەتكەنىنەن ىڭعايسىزدانىپ، تەگىن قورعايمىن دەگەنگە نۇرلان اعا مەنەن ىڭعايسىزدانىپ كەتسە كەرەك، سول كىسى سالعان، ول سومانى. مەن پالەن-تۇگەن دەپ، ەشقانداي سوما ايتقان جوقپىن. قىلمىستىق ىستەر نەگىزى 3-5 ملن-نىڭ ارالىعى. قاتتى كوپ بەرىپ قويدى دەپ، ىشتەرى اشىپ جاتسا، باسقا استانالىق، الماتىلىق ادۆوكاتتاردان سۇراسىن. بۇلاي اكەسى مەن قىزى قوسىلىپ، جۇيكەمدى توزدىراتىنىن بىلگەندە، گونورارىم كەمى 5 ملن دەۋىم كەرەك ەدى. سول كۇيى جولاماي، قۇرىپ كەتەتىن. مەن دە بالەدەن اۋلاق بولار ەدىم.
كوممەنتارييگە قولىمداعى بار سكريندەردى سالايىن. سوسىن قالعانىن تاۋىپ، پوستتى ارى قاراي جالعاستىرام. سەريينىي پوستار كەتەتىن بولدى-اۋ... بۇل قىزدىڭ شىن بولمىسىن اشىپ كورسەتىپ بەرەيىن، ەلگە. قانشا رەنجىسەم دە، ارىن ويلاپ، قىز بالا عوي دەپ، سوڭىنا دەيىن پوزيسيامدا تۇرىپ، زورلانعان دەپ، جانقوشتى كىنالاپ، جازعانىمدى وزدەرىڭىز دە بىلەسىزدەر. ال ەندى شىندىقتى جازايىن»، - دەدى ل. احاتوۆا.
