رۋسلان بەردەنوۆ ءوزىنىڭ ءوتىنىشى بويىنشا شىمكەنت قالاسى اكىمىنىڭ ورىنباسارى قىزمەتىنەن كەتتى. بۇل تۋرالى قالالىق اكىمدىكتىڭ باسپا ءسوز قىزمەتى مالىمدەدى. ول بۇل قىزمەتتى بيىلعى جىلدىڭ اقپان ايىنان بەرى اتقارىپ كەلگەن، دەپ حابارلايدى bairaqmedia.kz.
بۇعان دەيىن بەردەنوۆتىڭ قىزمەتىنەن كەتكەنى تۋرالى اقپارات تاراپ، اكىمدىك ونى جوققا شىعارعان ەدى.
رۋسلان بەردەنوۆ 1985 جىلدىڭ ناۋرىز ايىندا شىمكەنت قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جانە كيمەپ ۋنيۆەرسيتەتىن “ىسكەرلىك باسقارۋ ماگيسترى، قارجىلىق مەنەدجمەنت مامانى” ماماندىعى بويىنشا ءتامامداعان.
ەڭبەك جولىن 2007 جىلى “Procter & Gamble LLP” كومپانياسىندا باستاعان. 2010-2012 جىلدارى “EASTCOMTRANS” ءجشس-نىڭ جىلجىمالى قۇرامدى جالعا بەرۋ دەپارتامەنتىنىڭ ديرەكتورى، 2012-2018 جىلدارى “اق نيەت” ءجشس-نىڭ باس ديرەكتورى، 2018-2019 جىلدارى “اق نيەت” ءجشس-نىڭ باقىلاۋ كەڭەسىنىڭ مۇشەسى، 2019-2023 جىلدارى “Aq Niet Group” باقىلاۋ كەڭەسى ءتوراعاسىنىڭ ورىنباسارى قىزمەتتەرىن اتقاردى.
2023 جىلدىڭ ناۋرىزىنان قالا اكىمىنىڭ ورىنباسارى بولىپ تاعايىندالعانعا دەيىن قازاقستان رەسپۋبليكاسى پارلامەنتى VIII شاقىرىلىمىنىڭ دەپۋتاتى، قارجى جانە بيۋدجەت كوميتەتىنىڭ مۇشەسى بولدى.
