قازاقستاندا قۇقىق بۇزۋشىلىق پروفيلاكتيكاسى تۋرالى زاڭعا وزگەرىستەر ەنگىزىلگەنى تۋرالى تۇركىستان وبلىسى ءدىن ىستەرى باسقارماسىنا قاراستى «ءدىن ماسەلەلەرىن زەرتتەۋ ورتالىعى» ەسكەرتەدى، - دەپ حابارلايدى bairaqmedia.kz

ەندى قوعامدىق ورىنداردا ادامنىڭ بەت-الپەتىن تانۋعا كەدەرگى كەلتىرەتىن كيىمدەردى كيۋگە شەكتەۋ قويىلادى. بۇل وزگەرىس قوعامدىق قاۋىپسىزدىكتى قامتاماسىز ەتۋ ازاماتتاردى انىق سايكەستەندىرۋ ماقساتىندا قابىلدانىپ وتىر. 12 شىلدەدەن باستاپ كۇشىنە ەنگەن زاڭناما نورماسىنىڭ نەگىزگى ماقساتى – ازاماتتاردىڭ قۇقىقتارى مەن بوستاندىقتارىن، ونىڭ ىشىندە ءدىني سەنىم بوستاندىعىن شەكتەمەي، قوعامدىق قاۋىپسىزدىكتى قامتاماسىز ەتۋ، ادامداردىڭ تۇلعاسىن تانۋ مەن قوعامدىق ءتارتىپتى ساقتاۋ، - دەلىنگەن ءدىن ماسەلەلەرىن زەرتتەۋ ورتالىعىنىڭ ۆيدەوسىندا.

ايتا كەتەرلىگى، قازاقستانعا كەلگەن شەتەل ازاماتتارى دا قولدانىستاعى زاڭدارمەن تانىسىپ، ولاردى ساقتاۋعا مىندەتتى.

مەملەكەت ءوز ازاماتتارىنىڭ جانە قوناقتارىنىڭ قاۋىپسىزدىگىن قامتاماسىز ەتۋمەن قاتار، اركىمنىڭ مادەني جانە ءدىني ەرەكشەلىكتەرىنە قۇرمەتپەن قارايدى. قوعامدا تۇسىنىسپەۋشىلىك تۋىنداماس ءۇشىن كەلەسى ەرەجەلەرگە نازار اۋدارىڭىز: قوعامدىق ورىنداردا بەتتى تولىق جاسىراتىن كيىمدەر، مىسالى نيكاب، پارانجا، بالكلاۆا، ماسقا جانە ت.ب. كيۋگە تىيىم سالىنادى. زاڭدى قولدانۋدا قاۋىپسىزدىك پەن جەكە قۇقىقتاردى ساقتاۋ اراسىنداعى تەڭدىك قاتاڭ ەسكەرىلەدى. بۇل شارالار قوعامدا ءتارتىپ پەن ءوزارا قۇرمەتتى نىعايتىپ، ءاربىر ادامنىڭ ءوز قاۋىپسىزدىگىنە سەنىمدى بولۋىنا مۇمكىندىك بەرەدى، - دەيدى ماماندار.