سىبايلاس جەمقورلىققا قارسى قىزمەت سپورتتى قارجىلاندىرۋعا قاتىستى مەملەكەتتىك ۇيىمداردى تەكسەرۋدى تۇراقتى جۇرگىزۋدە. ماقسات – بيۋدجەت قارجىسىنىڭ اشىق ءارى ءتيىمدى جۇمسالۋىن قامتاماسىز ەتۋ.

2025 جىلدىڭ باسىنان بەرى سپورت سالاسىندا 18 قىلمىستىق ءىس تىركەلىپ، كەلتىرىلگەن شىعىن 800 ملن تەڭگەدەن استى. انىقتالعان سحەمالار:
– جالعان وقۋ-جاتتىعۋ جيىندارى،
– «ءولى جاندارعا» جالاقى ەسەپتەۋ،
– قىمبات جابدىقتاردى اسىرا باعامەن ساتىپ الۋ.

ءىرى ىستەر:

• اتىراۋدا وبلىستىق سپورت باسقارماسىنىڭ ەكس-باسشىسى د. قوسپانوۆ پەن جاتتىقتىرۋشى ن. مايلاشيەۆ پارا مەن اقشا جىمقىرۋ ءىسى بويىنشا تيىسىنشە 4 جانە 3 جىلعا سوتتالدى.

• قاراعاندىدا فۋتبول مەكتەبى باسشىسى ب. نۇرلانوۆ جالعان جيىندار ارقىلى 3 ملن تەڭگەدەن استام قارجىنى جىمقىرعانى ءۇشىن 2 جىلعا باس بوستاندىعىنان ايىرىلدى.

• «سپورتتى دامىتۋ ديرەكسياسى» ديرەكتورى مەن ورىنباسارى 397 ملن تەڭگە جىمقىردى دەگەن كۇدىكپەن سوتقا جىبەرىلدى.

• الماتىدا سپورت باسقارماسىنىڭ بۇرىنعى باسشىسى 8 ملن تەڭگە پارا الدى دەگەن كۇدىكپەن قاماۋعا الىندى.