سايدا ميرزيويەۆا وزبەكستان پرەزيدەنتى اكىمشىلىگىنىڭ باسشىسى لاۋازىمىنا تاعايىندالدى. بۇل تۋرالى وزبەكستان باسشىسىنىڭ باسپا ءسوز حاتشىسى شەرزود اسادوۆ مالىمدەدى، دەپ حابارلايدى Bairaqmedia.kz.
ايتا كەتسەك، 2023 جىلدىڭ تامىزىنان باستاپ سايدا ميرزيويەۆا پرەزيدەنتتىڭ كومەكشىسى قىزمەتىن اتقارىپ كەلدى. ال 2022 جىلدىڭ قاراشاسىنان باستاپ ول پرەزيدەنت اكىمشىلىگى اتقارۋشى اپپاراتىنىڭ كوممۋنيكاسيالار جانە اقپاراتتىق ساياسات سەكتورىنىڭ مەڭگەرۋشىسى بولدى.
سايدا ميرزيەيەۆا – وزبەكستانداعى الەمدىك ەكونوميكا جانە ديپلوماتيا ۋنيۆەرسيتەتىنىڭ تۇلەگى، تاشكەنت مەملەكەتتىك زاڭ ۋنيۆەرسيتەتى، سونداي-اق م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ماگيسترى، ەكونوميكا عىلىمدارىنىڭ كانديداتى.
شاۆكات ميرزيويەۆ بىلتىر تامىزدا وزبەكستان پرەزيدەنتى اكىمشىلىگىنىڭ قۇرىلىمىنا رەفورما جاسادى. كەيىن پرەزيدەنت اكىمشىلىگىنىڭ باسشىسى لاۋازىمى جويىلعان بولاتىن.
