بەلگىلى جۋرناليست ساۋلە ءابىلداحان قىزى Facebook جەلىسىندەگى پاراقشاسىندا قىتايدان كەلگەن قانداستارعا قاتىستى جازبا جاريالادى. اۆتور مۇنداي ادامدار وتە ءقاۋىپتى دەپ ەسەپتەيدى دەپ حابارلايدى bairaqmedia.kz 

ساۋلە ءابىلداحانقىزىنا قىتايدان كەلگەن قازاقتاردىڭ يمانعالي تاسماعامبەتوۆكە قاتىستى ءسوزى ۇناماي قالسا كەرەك.

قىتايدان كەلگەندەر تاسماعامبەتوۆ تۋرالى بىردەڭە دەمەس بۇرىن ءبىر جەرىنە قاراسىن. كەزىندە سول قىتايلىقتارعا تاسماعامبەتوۆ كوپ قولداۋ كورسەتكەن ەدى. ەندى ولار وعان تاس اتىپ وتىر، - دەپ جازدى ول.

سونداي-اق، كورشى ەلدەن ورالعان قانداستاردى ساياساتقا ارالاستىرماۋ قاجەت دەيدى ءابىلداحان قىزى.

جالپى، قىتايدان كەلگەن ورالمانداردى مەملەكەت ساياساتىنا ارالاستىرماۋ كەرەك. مورالدىق قاقىسى جوق. 3-4 ۇرپاق اۋىسقاندا بولماسا. ولار «كيتايسكايا شكولانى» كورگەندەر. وتە ءقاۋىپتى ادامدار. ساتىپ كەتۋى وپ-وڭاي. سوندايلاردىڭ مىڭىن جەكە بىلەمىن. ەكىجۇزدى، ارام اقىنسىماق، جازۋشىسىماقتارىن دا بىلەمىن. اناۋ دەپۋتات بوپ وتىرعان اۋىت، انەس سياقتىلارسىز دا پارلامەنتتىڭ دە، قازاقتىڭ دا تاڭى اتىپ، تاۋىعى شاقىرادى، - دەپ جازدى ساۋلە ءابىلداحان قىزى.