قازاقستاندا 800 مىڭعا دەيىن كيىك اتۋعا رۇقسات ەتىلۋى مۇمكىن. بۇل تۋرالى ەكولوگيا ءمينيسترى ەرلان نىسانبايەۆ ايتتى، دەپ حابارلايدى Bairaqmedia.kz.

ءمينيستردىڭ ايتۋىنشا، كيىكتەردى اتۋ تۋرالى تۇپكىلىكتى شەشىم الداعى كۇندەرى جاريالانادى. عالىمدار پوپۋلياسيانىڭ 20%-ىن تابيعاتتان جويۋ قاجەت دەپ ۇسىنىپ وتىر.

«ءبىز رەسمي تۇردە عىلىمي نەگىزدەمەنى الدىق. ءقازىر ۇيىمداستىرۋشىلىق ماسەلەلەردى تالقىلاپ جاتىرمىز. بىر-ەكى كۇن ىشىندە شەشىم قابىلدايمىز دەپ ويلايمىن. عىلىم بۇكىل پوپۋلياسيانىڭ 20%-ىن الۋ كەرەك دەپ وتىر»، – دەدى مينيستر.

ەكولوگيا مينيسترلىگىنىڭ مالىمەتىنشە، قازاقستاندا شامامەن 3،9 ميلليون كيىك بار. دەمەك، 800 مىڭعا جۋىق جانۋار اتۋعا جاتۋى مۇمكىن.

سونداي-اق مينيستر مۇنداي اۋقىمدى جوسپاردى جۇزەگە اسىرۋ ءۇشىن ەت كومبيناتتارىن تارتۋ قاجەت ەكەنىن ايتتى. بۇل كاسىپورىندار اكىمدىكتەرمەن جانە مۇددەلى كومپانيالارمەن بىرلەسە وتىرىپ قۇرىلماق.