پاكىستاننىڭ سىرتقى ىستەر مينيسترلىگى بۇرىنعى اقش پرەزيدەنتى دونالد ترامپتى 2026 جىلعى نوبەل بەيبىتشىلىك سىيلىعىنا ۇسىندى. بۇل تۋرالى ۆەدومستۆو رەسمي تۇردە مالىمدەدى، دەپ حابارلايدى Bairaqmedia.kz.

كۇجات كىرىسپەسىندە ترامپتىڭ 2024 جىلعى ءۇندىستان جانە پاكىستان اراسىنداعى داعدارىس كەزىندە اتقارعان ءرولى جوعارى باعالاندى. ول كۇش سالعان ديپلوماتيالىق كەلىسسوزدەر ارقىلى قاقتىعىستىڭ تارالۋىن بولدىرماعان دەپ ايتىلدى .

مينيسترلىك ترامپتىڭ بەيبىت جولمەن شەشىم تابۋعا ۇمتىلىسى مەن كاشمير ماسەلەسىندە اراعايىندىققا بەلسەندى اتسالىسۋىن اتاپ ءوتتى. سونىمەن بىرگە ونىڭ گازا سەكتورىنداعى جانە تاياۋ شىعىستاعى گۋمانيتارلىق-ديپلوماتيالىق باستامالارى دا ەرەكشە كورسەتىلگەن .

پاكىستان ءسىم باسشىلىعى بۇل باستامانىڭ حالىقارالىق بەيبىتشىلىكتى نىعايتۋداعى ناتيجەلى ارەكەت دەپ سانايتىنىن جەتكىزدى.