وليمپيادا چەمپيونى ەلدوس سمەتوۆكە شەتەلدە وتا جاسالدى، دەپ حابارلايدى bairaqmedia.kz

دۇيسەنبىدە ەلدوس سمەتوۆ الەۋمەتتىك جەلىدەگى پاراقشاسىندا اۋرۋحانادا تۇسكەن سۋرەتىن جاريالاعان ەدى. ونىڭ دەنساۋلىعىنا الاڭداپ قالعان وقىرماندارىنا سپورتشى كەيىنىرەك ءمان-جايدى ءتۇسىندىرىپ، جازبا جاريالادى. 

سويتسە، وليمپيادا چەمپيونى ءقازىر دەنساۋلىعىنا كوڭىل ءبولىپ ءجۇر ەكەن.  يتاليانىڭ ريم قالاسىندا ونىڭ يىعىنا وتا جاسالعان. 

قۇرمەتتى قازاق ەلى! مەنى ۋايىمدام، الاڭداۋشىلىق ءبىلدىرىپ جاتقاندارىڭىزعا راحمەت! يتاليانىڭ ريم قالاسىندا يىعىما وتا جاساتقانىم راس. اللاعا شۇكىر، ءبارى جاقسى ءوتتى. وزدەرىڭىز بۇرىننان بىلەسىزدەر، وليمپياداعا دەيىن دە يىعىمنىڭ جاراقاتى، ۇساق جاراقاتتارىم ءجيى مازالايتىن. ءقازىر دەنساۋلىعىما تولىق كوڭىل بولگەندى جانە تولىق ەم قابىلداعاندى ءجون كوردىم. اللا جازسا، 2-3 ايدان كەيىن جاتتىعۋ، ال جارىستارعا - كەلەسى جىلدىڭ باسىندا قوسىلۋعا نيەتتىمىن. كارەراسىن اياقتادى دەپ سۇيىنشىلەگەندەرگە دە سالەم جولدايمىن. مەن ءالى سارى ناشيۆكامەن تاتاميگە شىعىپ كۇرەسەتىن بولامىن، - دەپ جازدى سمەتوۆ. 

ەسكە سالايىق، ەلدوس سمەتوۆ پاريج-2024 وليمپياداسىنىڭ التىنىنان بولەك، ريو-2016-دا كۇمىس، 2020 جىلى توكيودا قولا جۇلدەنى قانجىعالاعان بولاتىن.