استانادا جانجال شىعارعان جۇرگىزۋشىلەر 15 تاۋلىككە قامالدى، دەپ حابارلايدى Bairaqmedia.kz.
الەۋمەتتىك جەلىلەردى مونيتورينگتەۋ بارىسىندا پوليسيا قىزمەتكەرلەرى جۇمابايەۆ پەن ايناكول كوشەلەرىنىڭ قيىلىسىندا ەكى جۇرگىزۋشى اراسىندا بولعان توبەلەستى انىقتادى.
بەلگىلى بولعانداي، Audi جانە Chevrolet Cobalt اۆتوكولىكتەرىنىڭ جۇرگىزۋشىلەرى اراسىندا جولدى بولىسە الماۋدان كيكىلجىڭ باستالىپ، ارتى جۇدىرىقتاسۋعا ۇلاسقان. وقيعاعا قاتىسۋشىلار دەرەۋ ۇستالدى.
ۇساق بۇزاقىلىق بويىنشا اكىمشىلىك ءىس قوزعالدى. سوت شەشىمىمەن ءاربىر قۇقىق بۇزۋشىعا 15 تاۋلىككە اكىمشىلىك قاماۋ جازاسى تاعايىندالدى.
