ۇكىمەت وتىرىسىندا پرەمەر-مينيستر ولجاس بەكتەنوۆ تۋريزم جانە سپورت مينيسترلىگىنە بالالاردىڭ تاريحي-مادەني مۇرا وبەكتىلەرىنە، بەلگىلى تۋريستىك ايماقتارعا بارۋى ءۇشىن اكىمدىكتەردىڭ ءوڭىرارالىق ءوزارا ءىس-قيمىلىن ۇيلەستىرۋدى تاپسىردى، دەپ حابارلايدى Bairaqmedia.kz.
«باتىس وڭىرىندەگى بالالارعا ەلىمىزدىڭ شىعىس ايماقتارىن كورىپ-بىلۋ قىزىقتى بولماق. ال وڭتۇستىك وبلىستارداعى وقۋشىلاردىڭ سولتۇستىك ايماقتارعا جانە كەرىسىنشە ساياحاتتاپ بارۋىن ۇيىمداستىرۋ قاجەت. بالالار ەلىمىزدىڭ كورىكتى جەرلەرى مەن باي مادەني مۇراسىن تانىپ-بىلۋگە ءتيىس»، – دەپ اتاپ ءوتتى ولجاس بەكتەنوۆ.
مادەنيەت مينيسترلىگىنە دەمالىس كەزىندە بالالاردىڭ مۇراجايلارعا، تەاترلارعا، قورىقتارعا، ۇلتتىق ساياباقتارعا تەگىن بارۋىن قامتاماسىز ەتۋ تاپسىرىلدى.
