يراننىڭ اتوم ەنەرگياسى اگەنتتىگى اقش-تىڭ ءۇش نەگىزگى يادرولىق نىسانعا جاساعان شابۋىلىن «قاتىگەز شابۋىل» دەپ اتادى، دەپ حابارلايدى bairaqmedia.kz

ءبىراق، سوققىدان كەيىن دە يادرولىق ونەركاسىپتەن باس تارتپايتىنىن مالىمدەدى. بۇل تۋرالى يراننىڭ مەملەكەتتىك IRNA اقپارات اگەنتتىگى حابارلادى. 

اگەنتتىك حابارلاۋىنشا، «زاڭسىز ارەكەتتەر» ۇلتتىق ونەركاسىپتىڭ دامۋىن توقتاتپايدى.

ءارى اگەنتتىك اقش پرەزيدەنتى دونالد ترامپ اق ۇيدەگى مالىمدەمەسىندە ايتقان فوردو، ناتانز جانە يسفاحانداعى نىسانداردىڭ «تولىق جويىلعانىن» راستاعان جوق.

IRNA يراننىڭ يادرولىق قاۋىپسىزدىك باسقارماسى سوققىلاردان كەيىن وسى ءۇش يادرولىق نىساندا رادياسيالىق لاستانۋدىڭ بەلگىلەرىن انىقتاماعانىن حابارلاعان. باسقارما سونداي-اق نىسان ماڭىندا تۇراتىن ازاماتتارعا ءقاۋىپ جوق ەكەنىن مالىمدەگەن.

ايتا كەتەيىك، بۇعان دەيىن ترامپ اقش اۋە سوققىلارى يراننىڭ ءۇش نەگىزگى يادرولىق نىسانىن تولىق جويعانىن مالىمدەگەن ەدى. سونداي-اق، تەگەران يزرايلمەن بەيبىت كەلىسىمگە كەلمەسە، اسكەري ءىس-قيمىلداردى جالعاستىراتىنى تۋرالى ايتقان بولاتىن.