قازاقستاندىق تۋريستەرى بار FlyDubai اۋە كومپانياسىنىڭ ۇشاعى الماتىعا قوندى. سپورت جانە تۋريزم مينيسترلىگى ەكى ۇشاق بۇگىن تاڭەرتەڭ ەلگە كەلگەنىن مالىمدەدى، دەپ حابارلايدى bairaqmedia.kz

13 ماۋسىمدا بىرىككەن اراب امىرلىكتەرىنەن، اتاپ ايتقاندا دۋباي مەن ابۋ-دابيدەن بىرنەشە وڭىرگە، ونىڭ ىشىندە قازاقستانعا رەيستەر توقتاتىلعان بولاتىن. بۇل شەشىم تاياۋ شىعىستاعى جاعدايدىڭ ۋشىعۋىنا بايلانىستى قابىلداندى.

بۇعان دەيىن قازاقستان كولىك مينيسترلىگىنىڭ ازاماتتىق اۆياسيا كوميتەتى يران، يزرايل، سيريا، يراك، يوردانيا جانە ليۆان اۋە كەڭىستىگىنە، سونداي-اق وسى مەملەكەتتەرمەن شەكتەس اۋماقتار ارقىلى ۇشۋعا تىيىم سالعان بولاتىن. FlyDubai رەيستەرى بۇگىن ساعات 02:45 پەن 06:23 ارالىعىندا بۇل ەلدەردىڭ اۋە كەڭىستىگىن اينالىپ ءوتىپ، ەلگە 13 ماۋسىمدا ۇشا الماعان 332 ءتۋريستى جانە جوسپارلى جولاۋشىلاردى جەتكىزدى. 13 ماۋسىمدا دۋبايدان ۇشا الماعان بارلىق تۋريستەر تۋروپەراتورلار ارقىلى تۋريزم جانە سپورت مينيسترلىگى، سىرتقى ىستەر مينيسترلىگى، قازاقستان ەلشىلىگى جانە "تۋريستىك قامقور" قورىنىڭ ۇيلەستىرۋىمەن قوناقۇيلەرگە ورنالاستىرىلدى. قازىرگى ۋاقىتتا ولاردىڭ ۇشۋ ماسەلەسى قاراستىرىلىپ جاتىر. كەيبىر تۋريستەر بۇگىن تۇنگى رەيستەرمەن ەلگە ورالدى، - دەلىنگەن حابارلامادا.