پرەزيدەنت داۋرەن قوسانوۆتى قورعانىس ءمينيسترى لاۋازىمىنا تاعايىندادى، دەپ حابارلايدى bairaqmedia.kz
مەملەكەت باسشىسىنىڭ جارلىعىمەن داۋرەن جۇماتاي ۇلى قوسانوۆ قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، دەلىنگەن اقوردانىڭ حابارلاماسىندا.
بۇعان دەيىن ول قورعانىس ءمينيسترىنىڭ ورىنباسارى - قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ باس قولباسشىسى قىزمەتىن اتقارعان.
داۋرەن قوسانوۆ 1969 جىلى 14 قازاندا پاۆلودار وبلىسى، قازكسر، كراسنوكۋت اۋدانى، نوۆوترويسكوە اۋىلىندا دۇنيەگە كەلگەن.
بۇعان دەيىن اتقارعان قىزمەتتەرى:
ءۇشارال جاۋىنگەرلىك پولكىندەگى قىزمەت؛
تالدىقورعانداعى "سۋ-27" ەسكادريلياسىنىڭ كومانديرى؛
قاراعاندى اۆيابازاسى شتابىنىڭ باستىعى؛
شىمكەنت اۆيابازاسىنىڭ كومانديرى؛
قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرى اسكەري-اۋە كۇشتەرىنىڭ قولباسشىسى؛
اقتوبە قالاسىنداعى اۋە قورعانىسى كۇشتەرى اسكەري ينستيتۋتىنىڭ ديرەكتورى؛
2022 جىلعى 29 جەلتوقساندا قازاقستان رەسپۋبليكاسى پرەزيدەنتىنىڭ بۇيرىعىمەن قازاقستان رەسپۋبليكاسى قارۋلى كۇشتەرىنىڭ اۋە قورعانىسى كۇشتەرىنىڭ باس قولباسشىسى لاۋازىمىنا تاعايىندالدى
"اسكەري ۇشقىش مەرگەن". II دارەجەلى "داڭق" وردەنىمەن، "جاۋىنگەرلىك ەرىگى ءۇشىن" مەدالىمەن جانە مەرەيتويلىق مەدالدارمەن ماراپاتتالعان.
