قىزىلوردا وبلىسىندا بيۋدجەت قاراجاتىن زاڭسىز يەمدەنگەن ەسەپشىگە قاتىستى ۇكىم شىقتى، دەپ حابارلايدى Bairaqmedia.kz.
تالداۋ ناتيجەسىندە «دارىن» وبلىستىق قوسىمشا ءبىلىم بەرۋ ورتالىعىنىڭ باس ەسەپشىسى ءىسساپار مەن جالاقىعا كوزدەلگەن 50 ملن تەڭگە بيۋدجەت قاراجاتىن ءوزىنىڭ جەكە ەسەپ شوتىنا زاڭسىز اۋدارىپ العانى انىقتالدى.
وبلىس پروكۋراتۋراسىمەن ق ر قك-نىڭ 189-بابى 4-بولىگىنىڭ 2)-تارماعىمەن سوتقا دەيىنگى تەرگەپ-تەكسەرۋ باستالىپ، ءىس سوتقا دەيىن جەتكىزىلدى.
اتالعان فاكت بويىنشا سوتپەن ەسەپشىگە قاتىستى ۇكىم شىعىپ، 6 جىل باس بوستاندىعىنان ايىرۋ جازاسى تاعايىندالدى.
ۇكىم زاڭدى كۇشىنە ەنبەگەن.
