قازاقتىڭ بۇلبۇل ءانشىسى بيبىگۇل تولەگەنوۆا ەر ازاماتتاردى وتان قورعاۋشىلار كۇنىمەن قۇتتىقتادى دەپ حابارلايدى bairaqmedia.kz

قۇرمەتتى قازاقستاندىقتار! بارشاڭىزدى وتان قورعاۋشىلار كۇنىمەن قۇتتىقتاي وتىرىپ، زور دەنساۋلىق، ۇزاق ءومىر، تابىس-ابىروي، قۇت-بەرەكە تىلەيمىن. اسپانىمىز اشىق بولىپ، دەنىمىز ساۋ بولىپ، ىشتەگى داۋ، سىرتتاعى جاۋدان ساقتاسىن، - دەدى بيبىگۇل تولەگەنوۆا.

عاسىرعا جۋىق جاساعان كۇمىس كومەي ءانشى وتانداستارىمىزدى جەڭىستىڭ 80 جىلدىق مەرەكەسىمەن دە قۇتتىقتادى. بيبىگۇل تولەگەنوۆا بۇل جەڭىستىڭ وڭايلىقپەن كەلمەگەنىن، وسى جولدا تالاي جاننىڭ ءومىرى قيىلعانىن اتاپ ءوتتى. ۇلى وتان سوعىسى كەزىندە قۇربان بولعاندار ەشقاشان ۇمىتىلمايدى دەدى ول.

ساحنا ساڭلاعى وسى مايداننىڭ كەسىرىنەن بالالىق شاعى بولماعانىن ەسكە الدى. سوندىقتان، ەندىگى ۇرپاق سوعىس تۋرالى تەك تاريحتان ەستىپ-بىلسە دەيدى. ءسوز سوڭىندا ءانشى 80 جىلدىق بەيبىتشىلىك ماڭگىلىككە ۇلاسسىن دەپ تىلەدى.