قازاقستاندىق سەمسەرلەسۋشىلەر ازيا چەمپيوناتىندا تاعى ءبىر جۇلدە جەڭىپ الدى، دەپ حابارلايدى Bairaqmedia.kz.

ۇلتتىق وليمپيادا كوميتەتىنىڭ مالىمەتىنشە، يندونەزيانىڭ بالي ارالىندا ءوتىپ جاتقان ازيا چەمپيوناتى اياسىندا سەمسەر قارۋىمەن ايقاسۋدان ەرلەر اراسىنداعى كوماندالىق جارىستىڭ فينالى اياقتالدى.

التىن مەدال ءۇشىن قازاقستان مەن جاپونيا قۇرامالارى ب ا ق سىنادى. تارتىستى وتكەن كەزدەسۋدە جاپونيالىقتار جەڭىسكە جەتتى. كەزدەسۋ 45:39 ەسەبىمەن اياقتالدى.

وسىلايشا، قازاقستان قۇراماسى كۇمىس جۇلدەگەر اتاندى. كوماندا قۇرامىندا ەلمير ءالىمجانوۆ، رۋسلان كۋربانوۆ، ۆاديم شارلايموۆ جانە ەرلىك سەرتاي ونەر كورسەتتى.

ايتا كەسەك، جاپونيا قۇراماسى 2024 جىلعى وليمپيادادا فينالعا دەيىن جەتىپ، شەشۋشى كەزدەسۋدە ۆەنگرياعا ەسە جىبەرگەن بولاتىن.

جالپى، قازاقستان قۇراماسىنىڭ ەنشىسىندە ەكى مەدال بار. بۇعان دەيىن ۆاديم شارلايموۆ جەكەلەي سايىستا ءۇشىنشى ورىندى يەلەنگەن ەدى.