اتىراۋدا جوسپارلانعان ميراس جۇگىنىسوۆ پەن Qanay-دىڭ كونسەرتى كۇتپەگەن جەردەن توقتاتىلدى، دەپ حابارلايدى bairaqmedia.kz

كەشكە ەرتە جينالعان كورەرمەندەر كونسەرتتىڭ باستالۋىن ۇزاق كۇتكەنىمەن، اقىرى تاراۋعا ءماجبۇر بولعان. جەلدى تاراعان ۆيدەوعا قاراعاندا، ولارعا ءمان-جايدى انشىلەردىڭ وزدەرى شىعىپ تۇسىندىرگەن. 

سويتسە، كونسەرت ۇيىمداستىرۋشىلارى كونسەرت وتەتىن زال مەن تەحنيكالىق جابدىقتار ءۇشىن جالعا الۋ اقىسىن تولەمەگەن ەكەن. 

ەرتە كەلدىك، ءبىراق ىشكە كىرگىزبەدى. ءبىراز كۇتتىك. كەيىن كونسەرت بولمايتىنىن، سەبەبى ۇيىمداستىرۋشىلار جالداۋ اقىسىن تولەمەگەنىن ايتتى، — دەدى كونسەرتكە كەلگەندەردىڭ ءبىرى.

جاعدايدى ءتۇسىندىرۋ ءۇشىن دالاعا شىققان انشىلەر جينالعان حالىقتان كەشىرىم سۇرادى. ول بۇل جاعداي تۋرالى الدىن-الا بىلمەگەنىن ايتتى.

ءبىز دە ساحناعا شىعامىز دەپ ۇزاق كۇتتىك. ءبارى شەشىلەدى دەپ سەندىك. الايدا، زال مەن جابدىققا اقى تولەنبەگەنى انىقتالدى. كەشىرىم سۇرايمىز، — دەدى جۇگىنىسوۆ.

ۇيىمداستىرۋشىلار كورەرمەندەرگە بيلەت قۇنىن قايتارۋعا ۋادە بەردى. ايتا كەتەيىك، كەشتى كورۋ ءۇشىن اتىراۋعا كۇلسارى مەن ورالدان ارنايى كەلگەن تىڭدارماندار دا بولعان.