استانا قالاسىنىڭ قىلمىستىق ىستەر جونىندەگى اۋدانارالىق سوتى ءانشى سيۆي ءماحمۋديدىڭ بۇرىنعى كۇيەۋىنە ۇكىم شىعاردى. وعان سايكەس، اڭسار قاجىمۇقان ۇلى 5 جىلعا سوتتالدى دەپ حابارلايدى bairaqmedia.kz

ول قىلمىستىق كودەكستىڭ 190-بابى 4-بولىگىنىڭ 2-تارماعى، ياعني، اسا ءىرى مولشەردە جاسالعان الاياقتىق بويىنشا كىنالى دەپ تانىلدى. 

استانا سوتى تاراتقان اقپارات بويىنشا سوتتالۋشى ك. جابىرلەنۋشى ا. جانە ونىڭ تۋىستارىنىڭ 50 مىڭ اقش دوللارىن جىمقىرعان.

باستاپقىدا جابىرلەنۋشىنىڭ تۋىسى اسا ءىرى مولشەردە پسيحوتروپتىق زاتتاردى زاڭسىز ساقتاۋ فاكتىسى بويىنشا تەرگەۋ يزولياتورىنا قامالعان. مۇنى بىلگەن ك. پوليسيا قىزمەتكەرلەرىنىڭ اراسىندا ءىس جۇزىندە تانىسى جوق بولا تۇرا، قالىپتاسقان جاعدايدى پايدالانىپ، جازانى جەڭىلدەتۋ ءۇشىن قاراجاتتى پوليسيا قىزمەتكەرلەرىنە بەرەمىن دەپ الداپ، الاياقتىق جاساعان.

سوتتالۋشىنىڭ جاس بالالارىنىڭ بولۋى، كىناسىن مويىنداۋى، شىن جۇرەكتەن وكىنۋى قىلمىستىق جاۋاپكەرشىلىك پەن جازانى جەڭىلدەتەتىن ءمان-جاي رەتىندە تانىلعان.

اڭسار قاجىمۇقان ۇلى مەن ءانشى سيۆي ماحمۋدي ون جىلداي نەكەدە بولعان. ەرلى-زايىپتى 2020 جىلى اجىراسىپ كەتكەن بولاتىن.