كىتاپحانا ءداستۇرلى كىتاپ مادەنيەتى مەن زاماناۋي سيفرلىق تەحنولوگيالاردى ۇشتاستىرا وتىرىپ، الماتى قالاسىنىڭ تۇرعىندارىنا ارنالعان كوپفۋنكسيونالدى مادەني ءارى ءبىلىم بەرۋ الاڭى رەتىندە جوبالانعان، دەپ حابارلايدى bairaqmedia.kz
جاڭا كىتاپحانانىڭ اشىلۋ سالتاناتىنا الماتى قالاسىنىڭ تۇرعىندارىمەن قاتار قالا باسشىلىعى، بەلگىلى عالىمدار، ءبىرقاتار جازۋشىلار قاتىستى. 
كىتاپحانانىڭ باي كىتاپ قورى مەن دامىعان ماتەريالدىق-تەحنيكالىق بازاسى ءارتۇرلى جاستاعى جانە قىزىعۋشىلىعى سان الۋان وقىرمانداردىڭ سۇرانىسىن قاناعاتتاندىرۋعا مۇمكىندىك بەرەدى. كومپيۋتەرلىك زال، جەكە جۇمىس ىستەۋگە ارنالعان تىنىش وقۋ ايماقتارى، توپتىق كەزدەسۋلەر مەن شىعارماشىلىق جوبالارعا ارنالعان كەڭىستىكتەر جابدىقتالعان.
سونىمەن قاتار، مۇندا وقىرمانداردىڭ جايلى ءارى ءتيىمدى ۋاقىت وتكىزۋىنە بارلىق جاعداي جاسالعان. ەرەكشە قاجەتتىلىكتەرى بار ازاماتتار ءۇشىن ارنايى بەيىمدەلگەن جۇمىس ورىندارى قاراستىرىلعان. كورۋ قابىلەتى تومەن وقىرماندارعا ارنالعان ءىرى قارىپتەگى جانە ارنايى فورماتتاعى ادەبيەتتەر قورى جيناقتالعان.
ءىس-شارا بارىسىندا ءسوز سويلەگەن الماتى قالاسى اكىمىنىڭ ورىنباسارى ابزال نۇكەنوۆ جاڭا كىتاپحانانىڭ قالا ومىرىندەگى ماڭىزىن اتاپ ءوتتى.
كىتاپحانا – قالانىڭ رۋحاني تىنىسىن ايقىندايتىن ورىن. ءبىز ءوز تاراپىمىزدان قالا تۇرعىندارىنا جاڭا ءبىلىم ءنارىن سۋسىنداۋعا، جان-جاقتى دامۋىنا جاعداي جاساپ وتىرمىز. بۇل كىتاپحانا – تەك كىتاپ وقيتىن ورىن عانا ەمەس، وي مەن يدەيا توعىساتىن زاماناۋي مادەني ورتالىق، – دەدى ابزال نۇكەن ۇلى.
كىتاپحانانىڭ ەرەكشە جوبالارىنىڭ ءبىرى – بالالار مەن جاسوسپىرىمدەردىڭ كىتاپ وقۋعادەگەن قىزىعۋشىلىعىن ارتتىرۋعا باعىتتالعان «وقى – وينا!» جوباسى. وسى جوبا اياسىندا بالالار ايماعىندا PlayStation 5 ورناتىلىپ، ويىن مەن وقۋدى ۇيلەستىرەتىن جاڭا فورمات ۇسىنىلعان. بۇل باستاما بالالاردى كىتاپحانا كەڭىستىگىنە قىزىقتىرۋعا جانە ولاردىڭ وقۋ مادەنيەتىن ەرتە جاستان قالىپتاستىرۋعا مۇمكىندىك بەرەدى.
سالتاناتتى جيىندا ادەبيەتتانۋشى، قازاقستاننىڭ ەڭبەك سىڭىرگەن قايراتكەرى قانسەيىت ابدەز ۇلى دا ءوز پىكىرىن ءبىلدىرىپ، كىتاپحانانىڭ تاربيەلىك جانە مادەنيماڭىزىنا توقتالدى.
كىتاپحانا – بولاشاق وقىرماندىتاربيەلەيتىن ماڭىزدى مادەني ورتا. مۇندايزاماناۋي ءارى تولىق قولجەتىمدى كەڭىستىكتىڭاشىلۋى جاستاردى كىتاپقا جاقىنداتىپ، وقىرمان مادەنيەتىن جاڭا دەڭگەيگە كوتەرەدى، – دەدى قانسەيىت ابدەز ۇلى.
بۇل باستاما الماتى قالاسىنىڭ مادەني ينفراقۇرىلىمىن دامىتۋعا، وقىرمان مادەنيەتىن جاڭعىرتۋعا جانە ۇلتتىڭ رۋحاني قۇندىلىقتارىن نىعايتۋعا باعىتتالعان ماڭىزدى قادام رەتىندە باعالانادى.
قالالىق جاڭا كىتاپحانا روزىباكييەۆ كوشەسى 247ء-ۇي، 7- بلوك مەكەن-جايىندا ورنالاسقان جانە قالا تۇرعىندارى مەن قوناقتارى ءۇشىن كۇندەلىكتى ساعات 08:30-20:00 ۋاقىت ارالىعىندا دەمالىسسىز جۇمىس ىستەيدى.
