الەۋمەتتىك جەلىدە جۇرەككە جىلى تيەتىن ۆيدەو كوپشىلىكتىڭ نازارىن اۋداردى. 70 جاسقا تولعان اجەيدىڭ قايرات نۇرتاستى كورۋدى ارمانداعان ءساتى ەلدى تەبىرەنتتى، دەپ جازادى bairaqmedia.kz.

بەلگىلى بولعانداي، مەرەيتوي يەسىنىڭ قىزى اناسىنا توسىنسىي رەتىندە قايرات نۇرتاستى شاقىرامىن دەپ ۋادە بەرگەن. الايدا وتباسىلىق جاعدايلارعا بايلانىستى بۇل جوسپار ورىندالماي قالعان. سونىڭ سالدارىنان اجەنىڭ كوڭىلى بوساپ، كوزىنە جاس العانى بەينەجازبادا انىق كورىنەدى.

«ماعان تەك قايرات نۇرتاس كەرەك. ءالى تىڭدايمىن ونى. وزگەرمەيدى. قايرات جاقسى بالا. كەز كەلگەن ءانشى حالىقتىڭ جۇرەگىنە كىرە المايدى. 70-تەگى مەنىڭ جۇرەگىمە كىرىپ تۇر عوي. مەنىڭ بالام سياقتى»، – دەيدى ول.

جەلىدە كەڭىنەن تاراعان بۇل ۆيدەونى ءانشىنىڭ ءوزى دە كورگەن. جانكۇيەرىنىڭ شىنايى ىقىلاسى قايرات نۇرتاستى بەيجاي قالدىرماي، ول كوپشىلىك الدىندا ۋادەسىن ءبىلدىردى.

«اپا، مەن سىزگە مىندەتتى تۇردە كەلەمىن»، – دەپ جازدى ونەر يەسى.