استانا قالاسىندا "Sincere Systems Group LTD" ("S-Group") قارجى پيراميداسىنىڭ قۇرىلىمدىق بولىمشەسىن ۇيىمداستىرۋ جانە باسقارۋ فاكتىسى بويىنشا تەرگەۋ ءجۇرىپ جاتىر، دەپ حابارلايدى bairaqmedia.kz.

"S-Group" كومپانياسى ءوزىن ۇلىبريتانياداعى ينۆەستيسيالىق قور رەتىندە تانىستىرىپ، Forex نارىعىندا سەنىمگەرلىك باسقارۋ، ماينينگ جانە SWP، SWCT ىشكى كريپتوتوكەندەرىمەن ساۋدا جۇرگىزۋ قىزمەتتەرىن ۇسىناتىندىعىن مالىمدەگەن. 

سالىمشىلارعا ايىنا 15%-20%، جىلىنا 120%-180% كولەمىندە تابىس ۋادە ەتىلگەن. ينۆەستيسيالىق قىزمەت شىنايى كورىنۋى ءۇشىن قاتىسۋشىلارعا كومپانيانىڭ سايتىنداعى جەكە كابينەتكە قولجەتىمدىلىك بەرىلگەن. وندا ۆيرتۋالدى دەپوزيتتەر، "تابىستىڭ ءوسىمى" جانە ەسەپتەلگەن قاراجات كورسەتىلگەن.

"الايدا ءىس جۇزىندە سالىمشىلاردىڭ قاراجاتى ينۆەستيسيالانباعان. اقشا كۇدىكتىلەردىڭ جەكە قاجەتتىلىكتەرىنە جۇمسالعان. كەلتىرىلگەن زالالدىڭ جالپى سوماسى 136 ملن تەڭگەدەن استى"، - دەيدى قارجىلىق مونيتورينگ اگەنتتىگى.

قىلمىستىق جولمەن الىنعان تابىسقا ۇيىمداستىرۋشىلار ەلوردادان 2 پاتەر جانە 2 اۆتوكولىك ساتىپ العان. ولاردى جاسىرۋ ماقساتىندا سەنىمدى ادامداردىڭ اتىنا راسىمدەگەن.
سوت سانكسياسىمەن اتالعان مۇلىككە تىيىم سالىندى.