بيىل «قازاق ءۆالسىنىڭ كورولى» اتانعان ءشامشى قالداياقوۆتىڭ تۋعانىنا 95 جىل. وسىعان وراي الماتىدا سازگەردىڭ وشپەس ونەر تۋىندىلارى شىرقالعان ءان كەشى ءوتتى دەپ حابارلايدى bairaqmedia.kz

«ءان اعا-جان اعا» اتتى كونسەرتتى تۇركىستان وبلىستىق ءشامشى قالداياقوۆ اتىنداعى فيلارمونيا ۇجىمى ۇيىمداستىرعان. 

داڭقتى كومپوزيتوردىڭ اندەرىن تىڭداۋعا كەلگەن حالىقتى «تۇمار» ەتنو-فولكلورلىق ءانسامبلى ءشامشى اندەرىن اسپاپتا ويناپ قارسى الدى.  انسۇيەر قاۋىم ءبىرتۋار سازگەردىڭ ءوزى قولدانعان بۇيىمدارى مەن كيىمدەرىن تاماشالاۋ مۇمكىندىگىنە دە يە بولدى. سونداي –اق، ءشامشى اۋىلىنان الىنعان ۇلتتىق تاعامداردان اۋىز ءتيدى. ارنايى تاقتايشالاردان ءشامشى اندەرىنىڭ شىعۋ تاريحىنان حاباردار بولدى. 

كەشتە 60 جىلدان استام تاريحى بار ونەر ورداسىنىڭ ارتىستەرى مەن ەسترادا جۇلدىزدارى ۇلى كومپوزيتوردىڭ تاڭداۋلى شىعارمالارىن ورىندادى.  كونسەرت بارىسىندا ءشامشى قالداياقوۆتىڭ ءومىرى مەن شىعارماشىلىعىنا ارنالعان بەينەروليكتەر كورەرمەنگە جول تارتتى.

ءشامشى اندەرىنىڭ كەشىندە رەسپۋبليكا سارايى ادەتتەگىدەي لىق تولى بولدى. بۇل البەتتە ونەرپازدارعا ۇلكەن شابىت سىيلاعان.