الماتىدا ايتىسكەر اقىن بالعىنبەك يماشيەۆتىڭ ۇلى الاياقتىق بويىنشا تەرگەلىپ جاتىر. بۇعان قاجىلىققا ۇشا الماعان تۋريستەردىڭ شاعىمى سەبەپ. دانيار يماشيەۆ سولارعا جولداما ساتقان «Qazaq travel» كومپانياسىنىڭ اتقارۋشى ديرەكتورى دەپ حابارلايدى bairaqmedia.kz

بۇگىن تاڭدا قاسيەتتى مەكەنگە ۇشۋى ءتيىس بولعان تۋريستەر ءقازىر اۋەزوۆ اۋداندىق پوليسيا باسقارماسىن اينالشىقتاپ ءجۇر. سەبەبى،  «Qazaq travel» كومپانياسى 1 كۇن قالعاندا ولاردىڭ ەشقايدا ۇشپايتىنىن مالىمدەپتى. 

توعىزى كۇنى ۇشاتىن رەيسىمىزدە ەشقانداي ادام ۇشقان جوق. ءبىر حالىققا شىعىپ، ۇندەۋ ايتقان جوق. بيلەتتىڭ باعاسى ءوسىپ كەتتى اۋ، باسقا دا جاعداي بولىپ قالدى اۋ دەگەن ۇندەۋ بولعان جوق. بىزگە ەشقانداي دالەل كورسەتىپ تۇرعان جوق. بيلەت، ءقوناقۇي تولەندى دەگەندى ءالى كورسەتكەن جوق،  - دەدى مەدينا جارىلعاپوۆا ەسىمدى «Qazaq travel» كومپانياسىنىڭ كليەنتى.

ءقازىر كومپانيانىڭ كەڭسەسى جابىق تۇر. ال، ءمادينا مەن مەككەگە ۇشا الماعان 50-گە تارتا ادام پوليسياعا شاعىم تۇسىرگەن. ءسويتىپ، پوليسەيلەر الاياقتىق دەرەگى بويىنشا قىلمىستىق ءىس قوزعاپتى. كۇدىكتى رەتىندە ءۇش ادام تانىلعان. ولاردىڭ قاتارىندا كومپانيانىڭ اتقارۋشى ديرەكتورى دانيار يماشيەۆ تا بار. جۇرتتىڭ قاجىلىقتان قالۋ سەبەبىن سۇراعان تىلشىلەرگە ول بۇگىن ءۇن قاتپادى. 

ەسەسىنە، تۋىنداعان قيىندىقتىڭ سەبەبىن بولاشاق قاجىلارعا ونىڭ اكەسى ءتۇسىندىرىپ بەرگەن. بالعىنبەك يماشيەۆ اۋە بيلەتتەرىنىڭ دە، ءقوناقۇي باعاسىنىڭ دا قىمباتتاپ كەتكەنىن ايتادى. ءارى مۇندا ەشقانداي الاياقتىق جوق دەپ سەندىرىپتى.

كوپ ادامدار اكسيامەن العان. ارزان باعادا الدى. ءقازىر باعا قىمباتتاپ جاتىر. قىمبات بيلەت الىنىپ جاتىر. ۇشاقتىڭ باعاسى قىمبات بولىپ جاتىر. ءقوناقۇيدىڭ باعاسى قىمبات بولىپ جاتىر. سول سەبەپتى قۇرىلتايشىلار ءوز قالتاسىنان قوسىپ، قارجى سالىپ، سىزدەردىڭ قىزمەتتەرىڭىزدە بولۋعا تالپىنىپ جاتىر، - دەپتى ايتىسكەر اقىن بالعىنبەك يماشيەۆ. 

ال، ۋمراعا ۇشا الماعاندار بۇعان سەنبەيدى. ولار تولەنگەن قاراجاتتى قايتارۋدى تالاپ ەتەدى. ءارى «Qazaq travel-گە» وزگە مۇسىلماندار الدانباسا دەيدى.