الەم جۇلدىزى دجەنيفەر لوپەس استانادا كونسەرت وتكىزەدى. بۇل تۋرالى «استانا كونسەرت» كومپانياسىنىڭ پروديۋسەرى مالىك حاسەنوۆ ۇكىمەت وتىرىسىندا مالىمدەدى، دەپ حابارلايدى Bairaqmedia.kz.

بۇگىن قازاقستان ءۇشىن عانا ەمەس، تۇتاس ورتالىق ازيا ءۇشىن تاريحي وقيعا بولاتىن ەرەكشە جوبانى قۋانىشپەن كورسەتكىم كەلەدى. 1 تامىزدا «استانا ارەنا» ستاديونىندا الەمگە ايگىلى ءانشى دجەننيفەر لوپەستىڭ كونسەرتى وتەدى. ول تولىعىمەن كوممەرسيالىق نەگىزدە ۇيىمداستىرىلعان، − دەدى مالىك حاسەنوۆ.

ونىڭ ايتۋىنشا، شاراعا 15 مىڭنان استام شەتەلدىك تۋريست كەلەدى دەپ كۇتىلىپ وتىر. قالانىڭ ەكونوميكاسىنا جالپى ۇلەس 6،5 ملرد تەڭگە بولسا، كونسەرتتەن تۇسەتىن تىكەلەي سالىقتىق تۇسىمدەر 400 ملن تەڭگەدەن اسادى.

العاشقى «ا» ساناتىنداعى كوممەرسيالىق كونسەرتتىڭ قورىتىندىسى بويىنشا استانا قالاسىنىڭ اكىمدىگىمەن بىرلەسىپ، الداعى ءۇش جىل ىشىندە 10 «ا» ساناتىنداعى كونسەرت وتكىزۋدى كوزدەيتىن وقيعالىق ءتۋريزمدى دامىتۋ جونىندەگى ستراتەگيالىق جوسپار ازىرلەنەتىن بولادى. باستى ماقسات — استانانى ورتالىق ازياداعى وقيعالىق ءتۋريزمنىڭ باستى نۇكتەسىنە اينالدىرۋ. مەملەكەتتىك ورگانداردىڭ بەلسەندى قولداۋىن سۇرايمىز، – دەدى مالىك حاسەنوۆ پرەمەر-مينيستر ولجاس بەكتەنوۆكە.

ايتا كەتسەك، امەريكالىق اكتريسا جانە ءانشى دجەننيفەر لوپەس گاسترولدىك ساپارى اياسىندا 1 تامىزدا استانادا Astana Arena-دا ونەر كورسەتەدى. بۇل تۋرالى ول الەۋمەتتىك جەلىدەگى رەسمي پاراقشاسىنا جازدى.